ବେଲପାହାଡରେ ମୋଦୀଙ୍କ ଉପରେ ବର୍ଷିଲେ ରାହୁଲ ଗାନ୍ଧୀ: କହିଲେ ମୋଦୀ ଓବିସି ନୁହେଁ ସାଧାରଣ ବର୍ଗରେ ଜନ୍ମ

ଝାରସୁଗୁଡା: ଦେଶରେ ଭୟଙ୍କର ସାମାଜିକ ଅନ୍ୟାୟ ହେଉଛି । ଆପଣ ଜିଏସଟି ଦେଉଛନ୍ତି କିନ୍ତୁ ଆଦାନି ପରି ଲୋକମାନେ ଏହାକୁ ଉପଭୋଗ କରୁଛନ୍ତି । ପ୍ରଧାନମନ୍ତ୍ରୀ ଓବିସି ବର୍ଗର ନୁହଁନ୍ତି, ସେ ଜେନେରାଲ କାଷ୍ଟରେ ଜନ୍ମଗ୍ରହଣ କରିଥିଲେ । ପରେ ଗୁଜୁରାଟ ସରକାର ତାଙ୍କୁ ଓବିସି ଅନ୍ତଭୁକ୍ତ କରିଥିଲେ । ଏଭଳି କହି ଗୁରୁବାର ବେଲପାହାଡରେ ଭାରତ ଯୋଡ ନ୍ୟାୟ ଯାତ୍ରାରେ ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଛନ୍ତି ରାହୁଲ ଗାନ୍ଧୀ । ଝାରସୁଗୁଡା ପୁରୁଣା ବସଷ୍ଟାଣ୍ଡରୁ ପଦଯାତ୍ରା ଆରମ୍ଭ କରି ପ୍ରାୟ ୨କିଲୋମିଟର ଯାତ୍ରା କରିବା ପରେ ଜନସାଧାରଣଙ୍କୁ ସମ୍ବୋଧନ କରିଥିଲେ ରାହୁଲ ଗାନ୍ଧୀ । ଉଭୟ କେନ୍ଦ୍ର ଓ ରାଜ୍ୟ ସରକାର ଚାଷୀଙ୍କୁ ଲୁଟୁଥିବା ରାହୁଲ କହିଛନ୍ତି ।