ଲକ୍ଷ୍ନୌ ଜେଲରେ ଏଚଆଇଭି ସଂକ୍ରମିତ କଏଦୀଙ୍କ ସଂଖ୍ୟା ବଢାଇଲା ଚିନ୍ତା, ୩୬ରୁ ବୃଦ୍ଧି ପାଇ ୬୩ ଛୁଇଁଲା

ଲକ୍ଷ୍ନୌ : ଲକ୍ଷ୍ନୌ ଜିଲା ଜେଲରେ ଡିସେମ୍ବର ୨୦୨୩ରେ କରାଯାଇଥିବା ସ୍ବାସ୍ଥ୍ୟ ପରୀକ୍ଷଣ ସମୟରେ ଅତିକମରେ ୩୬ କଏଦୀ ଏଚଆଇଭି ସଂକ୍ରମିତ ସାମ୍ନାକୁ ଆସିଛନ୍ତି । ଜେଲ୍ ପ୍ରଶାସନ କହିଛି କି ଜେଲରେ ଏଚଆଇଭି ସଂକ୍ରମିତ କଏଦୀଙ୍କ ସମୁଦାୟ ସଂଖ୍ୟା ବୃଦ୍ଧି ପାଇ ଏବେ ୬୩ ହୋଇଯାଇଛି । ଜେଲ୍ ଅଧିକାରୀ ପରୀକ୍ଷଣରେ ହୋଇଥିବା ବିଳମ୍ବର କାରଣ ଜଣାଇଛନ୍ତି । ଏଚଆଇଭି ପରୀକ୍ଷା ପାଇଁ ପର୍ଯ୍ୟାପ୍ତ ସଂସାଧନ ନଥିବାରୁ ସେପ୍ଟେମ୍ବର ବଦଳରେ ଡିସେମ୍ବରରେ ପରୀକ୍ଷା ହୋଇଥିଲା ।  

ଅଧିକାରୀଙ୍କ ସୂଚନା ଅନୁସାରେ ଅଧିକାଂଶ ସଂକ୍ରମିତ କଏଦୀ ପୂର୍ବରୁ ନିଶା ଦ୍ରବ୍ୟ ନେଉଥିଲେ । ଜେଲ୍ ଆସିବା ପୂର୍ବରୁ ବାହାରେ ସେମାନେ ସଂକ୍ରମିତ ସିରିଞ୍ଜ ଦ୍ବାରା ସଂକ୍ରମିତ ହୋଇଛ୍ତି । ଜେଲ୍ ଆସିବା ପରେ କେହି ବି ସଂକ୍ରମିତ ହୋଇନାହାଁନ୍ତି । ସମସ୍ତେ ପୂର୍ବରୁ ହିଁ ଏଚଆଇଭି ସଂକ୍ରମିତ ହୋଇଥିଲେ । ସେ ଜଣାଇଛନ୍ତି କି ଏଚଆଇଭି ପଜିଟିଭ୍ କଏଦୀଙ୍କୁ ନିୟମିତ ରୂପେ ଲକ୍ଷ୍ନୌ ସ୍ଥିତ ହସ୍ପିଟାଲରେ ଚିକିତ୍ସା ଦିଆଯାଉଛି । ଜେଲ୍ ପ୍ରଶାସନ ସତର୍କ ଅଛନ୍ତି ଏବଂ ସଂକ୍ରମିତ କଏଦୀଙ୍କ ସ୍ବାସ୍ଥ୍ୟ ଉପରେ ଟିକିନିଖି ନଜର ରଖୁଛନ୍ତି ।

ଯଦିଓ ସଂକ୍ରମିତଙ୍କ ସଂଖ୍ୟା ବଢିଛି କିନ୍ତୁ ଏହା ଆଶ୍ବସ୍ତିମୂଳକ ଖବର କି ଗତ ୫ ବର୍ଷରେ ଜଣେ ବି ସଂକ୍ରମିତଙ୍କ ମୃତ୍ୟୁ ହୋଇନି । ସମସ୍ତେ ଜେଲର ଚାରିକାନ୍ଥ ଭିତରେ ନିଜ ଭଲ ଚିନ୍ତା କରୁଛନ୍ତି ଏବଂ ଭାଇରସକୁ ରୋକିବା ପାଇଁ ଚେଷ୍ଟା କରୁଛନ୍ତି । ତେବେ ସଂକ୍ରମିତଙ୍କ ସଂଖ୍ୟା ଲକ୍ଷ୍ନୌ ଜିଲା ଜେଲରେ ବଢିବା ପରେ ସୁରକ୍ଷା ଦୃଷ୍ଟିରୁ ଏହା ଚିନ୍ତାର କାରଣ ପାଲଟିଛି ।