ତେଘରା(ବିହାର): ପତି ସହ ଫେରାର ହୋଇ ଯିବାରୁ ନିଜର କର୍ମଚାରୀଙ୍କ ଆଖି ନଷ୍ଟକିର ଅନ୍ଧ କରିବା ଅଭିଯୋଗରେ ପୁଲିସ ଦୟାରାମ ସିଂ ନାମକ ବ୍ୟକ୍ତିଙ୍କୁ ଗିରଫ କରିଛନ୍ତି । ଗୌତମ କୁମାର ନାମକ ଜଣେ ଲୋକ ଦୟାରାମଙ୍କ ନିକଟରେ କାମ କରୁଥିଲା । କିଛି ଦିନ ତଳେ ଗୌତମ ଦୟାରାମଙ୍କ ପତ୍ନୀଙ୍କ ସହ ଫେରାର ହୋଇ ଯାଇଥିବା ଅଭିଯୋଗ ହୋଇଥିଲା ।
ଗୌତମ ଟ୍ରାକ୍ଟର ଚାଳକ ଭାବେ ଦୟାରାମଙ୍କ ଘରେ କାମ କରୁଥିଲା । ପରେ ଗୌତମ ଓ ଦୟାରାମଙ୍କ ପତ୍ନୀଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ସେମାନେ ଏକାଠି ଫେରାର ହୋଇଯିବା ପରେ ଦୟାରାମ ସେମାନଙ୍କ ଉପରେ ପ୍ରତିଶୋଧ ନେବା ପାଇଁ ଖୋଜିଥିଲା । ଗତ ଶୁକ୍ରବାର ରାତିରେ ପ୍ରାୟ ୨୦ ଜଣ ଲୋକ ଗୌତମଙ୍କୁ ରାସ୍ତାରୁ ଉଠାଇ ନେଇଥିଲେ । ଗୋଟିଏ ଗାଡି ଭିତରେ ଗୌତମଙ୍କୁ ପ୍ରବଳ ମାଡ ମାରିବା ସହ ତାଙ୍କ ଆଖିରେ ଏସିଡ୍ ପକାଇ ଦେଇଥିଲେ । ପୁଲିସର ଏହାର ଅଭିଯୋଗ ହେବାପରେ ଦୟାରାମଙ୍କୁ ଗିରଫ କରାଯାଇଛି । ଗୌତମଙ୍କୁ ଚିକିତ୍ସା ପାଇଁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି । ଏଥିରେ ସାମିଲ ଥିବା ଅନ୍ୟମାନଙ୍କୁ ଗିରଫ ପାଇଁ ପୁଲିସ ଚେଷ୍ଟା କରୁଛି ବୋଲି ତେଘ୍ରାର ଏସ୍ଡିପିଓ ବିକେ ସିଂ ସୂଚନା ଦେଇଛନ୍ତି ।.
