ସାକ୍ଷୀଗୋପାଳ : ସତ୍ୟବାଦୀ ସଙ୍ଗୀତ ମହାବିଦ୍ୟାଳୟର ୪୬ ତମ ବାର୍ଷିକ ଉତ୍ସବ ସାକ୍ଷୀଗୋପାଳ ମନ୍ଦିର ନିକଟରେ ନିକଟରେ ଅନୁଷ୍ଠିତ ହୋଇଯାଇଛି । ଉତ୍ସଵରେ ଅନୁଷ୍ଠାନର ସଭାପତି ଦୁର୍ଗାପ୍ରସାଦ ମହାପାତ୍ର ସଭାପତିତ୍ୱରେ କରିଥିଲେ । ମୁଖ୍ୟ ଅତିଥି ଓଡିଶୀ ରିସର୍ଚ୍ଚ ସେଣ୍ଟର ନିର୍ଦ୍ଦେଶକ ଶ୍ରୀକତା ଦାସ ଏବଂ ଗୁରୁ ସଚ୍ଚିଦାନନ୍ଦ ଦାଶ ମଞ୍ଚରେ ଶ୍ରୀଜଗନ୍ନାଥଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଓ ପ୍ରଦୀପ ପ୍ରଜ୍ଜ୍ୱଳନ କରିବା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା।
ଅନୁଷ୍ଠାନର ଗୁରୁ ଅଶୋକ କୁମାର ସାହୁ, ବୈକୁଣ୍ଠ ସେଠି, ପ୍ରସନ୍ନ କୁମାର ବେହେରାଙ୍କ ନିର୍ଦ୍ଦେଶନାରେ କୁନି କୁନି ପିଲାମାନଙ୍କ ଦ୍ୱାରା ଭଜନ ” ପ୍ରଭୁପାଦ ତଳେ ପ୍ରଣତି ଢାଳେ ” ପରିବେଷଣ କରାଯାଇଥିଲା । ଗୁରୁ ଦୁର୍ଗାପ୍ରସାଦ ମହାପତ୍ର ଓ ବ୍ରଜକିଶୋର ମହାପାତ୍ର ଙ୍କ ନିର୍ଦ୍ଦେଶନା ରେ ଛାତ୍ରୀ ଶୁଭଶ୍ରୀ ପଟ୍ଟନାୟକ ଓ ଲିପିନା ଭୋଇ ମଞ୍ଚ ନିକଟରେଥିବା କାନଭାଷରେ ସୁନ୍ଦର ସୁନ୍ଦର ଦୁଇଟି ଚିତ୍ରକଳା ଅଙ୍କିଥିଲେ ।
ଗୁରୁବନ୍ଦନା, ଦେଶାତ୍ମବୋଧକ ସଙ୍ଗୀତ, ଓଡିଶୀ ସଙ୍ଗୀତ, ‘ଚମ୍ପୁ, ତବଲା ଲହରା, ନୃତ୍ୟ -ଶାନ୍ତାକାରଂ, ସରସ୍ୱତୀ ବନ୍ଦନା, ଭକ୍ତି ରସାତ୍ମକ ନୃତ୍ୟ, ମାତୃ ବନ୍ଦନା, ସମ୍ବଲପୁରୀ ନୃତ୍ୟ ଆଦି ଅନୁଷ୍ଠାନର ଛାତ୍ରଛାତ୍ରୀ ମାନେ ମଞ୍ଚରେ ନିଖୁଣ ଉପସ୍ଥାପନ କରି ଦର୍ଶକଙ୍କଙ୍କୁ ବିଳମ୍ବିତ ରାତ୍ର ପର୍ଯ୍ୟନ୍ତ ବାନ୍ଧି ରଖିଥିଲେ । ନୃତ୍ୟ ନିର୍ଦ୍ଦେଶନା ଦେଇଥିଲେ ଗୁରୁ ଲିଙ୍ଗରାଜ ସ୍ୱାଇଁ , ଚିରସ୍ରୋତା ଖୁଣ୍ଟିଆ, ମିରା ଦଶ । ବାଦ୍ୟଯନ୍ତ୍ର ରେ ସହଯୋଗ କରିଥିଲେ ଗୁରୁ ବୈକୁଣ୍ଠ ସେଠି, ପ୍ରସନ କୁମାର ବେହେରା , ମାନସ କୁମାର ଷଡଙ୍ଗୀ । ସମ୍ପାଦକ ବଦ୍ରିନାରାୟଣ ଖୁଣ୍ଟିଆ କାର୍ଯ୍ୟକ୍ରମ ପରିଚାଳନା କରିଥିଲେ । ମଞ୍ଚ ପରିଚାଳନା କରିଥିଲେ ଆଇନଜୀବୀ ଅଞ୍ଜନ କୁମାର ହୋତା ।
