ନୂଆଦିଲ୍ଲୀ : ଦେଶରେ ପାହାଡିଆ ଅଞ୍ଚଳରେ ପର୍ଯ୍ୟଟନକୁ ପ୍ରୋତ୍ସାହନ ଦେବା ପାଇଁ କେନ୍ଦ୍ର ସରକାର ‘ପର୍ବତମାଳା ଯୋଜନା’ ଆରମ୍ଭ କରିଥିଲେ । ଏବେ ଏହି ଯୋଜନା ଅନୁସାରେ ସରକାର ୪୦୦ ପ୍ରକଳ୍ପକୁ ମଞ୍ଜୁରି ଦେଇପାରନ୍ତି । ସରକାର ଆଗାମୀ ୫ ବର୍ଷରେ ପାହାଡିଆ ଅଞ୍ଚଳରେ ୪୦୦ ରୋପ-ଓ୍ବେ ପ୍ରସ୍ତୁତ କରିବା ପାଇଁ ଯୋଜନା କରୁଛନ୍ତି ।
୪୦୦ ରୋପଓ୍ବେ ପ୍ରସ୍ତୁତ ଉପରେ ସରକାରଙ୍କ ଫୋକସ୍
ସଡକ ପରିବହନ ଏବଂ ଜାତୀୟ ରାଜମାର୍ଗ ମନ୍ତ୍ରୀ ନୀତିନ ଗଡକରୀ ଏକ କାର୍ଯ୍ୟକ୍ରମରେ ଆଲୋଚନା କରି ପ୍ରଧାନମନ୍ତ୍ରୀଙ୍କ ମାର୍ଗଦର୍ଶନରେ ପର୍ବତମାଳା ପ୍ରକଳ୍ପ ଆରମ୍ଭ କରିବା କଥା କହିଛନ୍ତି । ଏହି ପରିଯୋଜନା ଦେଶ ପାଇଁ ବହୁତ ଗୁରୁତ୍ବପୂର୍ଣ୍ଣ । ତଦନୁସାରେ ୧.୨୫ ଲକ୍ଷ କୋଟି ଟଙ୍କାର ପ୍ରକଳ୍ପର ଚିହ୍ନଟ କରାଯାଇଛି ଏବଂ ଏହାର ସଂଖ୍ୟା ୪୦୦ ବା ଅଧିକ ହୋଇପାରେ ବୋଲି ସେ ସୂଚନା ଦେଇଛନ୍ତି ।
ଗତ ବର୍ଷ ସରକାର କହିଥିଲେ କି ଏହି କାର୍ଯ୍ୟକ୍ରମ ଅନୁସାରେ ୫ ବର୍ଷରେ ୧୨୦୦ କିଲୋମିଟରରୁ ଅଧିକ ଲମ୍ବର ରୋପଓ୍ବେ ପାଇଁ ୨୫୦ରୁ ଅଧିକ ପ୍ରକଳ୍ପ ବିକଶିତ ନେଇ ଯୋଜନା ଚାଲିଛି । ସରକାର ମେକ୍ ଇନ୍ ଇଣ୍ଡିଆ ଅନୁସାରେ ରୋପଓ୍ବେ ଉପକରଣର ନିର୍ମାଣକୁ ପ୍ରୋତ୍ସାହନ ଦେଉଛନ୍ତି । କେନ୍ଦ୍ରମନ୍ତ୍ରୀ ନୀତିନ ଗଡକରୀ କହିଛନ୍ତି ଯେ ଅର୍ଥବ୍ୟବସ୍ଥା ଦୃଷ୍ଟିରୁ ଆଜି ଆମେ ୫ମ ସ୍ଥାନରେ ଅଛନ୍ତି ଏବଂ ଆଗାମୀ ୫ ବର୍ଷରେ ଆମେ ତୃତୀୟ ସ୍ଥାନରେ ରହିବା । ଏଥିପାଇଁ ଆମକୁ ସବୁ ଦିଗରେ ଗୁରୁତ୍ବ ଦେବା ସହ ଆଗକୁ ବଢିବାକୁ ପଡିବ ବୋଲି ସେ ସୂଚନା ଦେଇଛନ୍ତି ।
Comments are closed.