ନୂଆଦିଲ୍ଲୀ : ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା ପୁରା ହୋଇସାରିଛି । ଏହି ଉତ୍ସବକୁ ନେଇ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ସମସ୍ତେ ଭିନ୍ନ ଢଙ୍ଗରେ ଏହି ଉତ୍ସବକୁ ପାଳନ କରୁଛନ୍ତି । ତେବେ ଏହି ଅବସରରେ ଏୟାରଲାଇନ୍ କମ୍ପାନୀ ସ୍ପାଇସଜେଟ୍ ମଧ୍ୟ ନିଜ ଗ୍ରାହକଙ୍କ ପାଇଁ ଶସ୍ତାରେ ବିମାନଯାତ୍ରାର ଘୋଷଣା କରିଛି । ଏହି ବିମାନ ସେବା ଦେଶର ଅଲଗା ଅଲଗା ସହରରୁ ଆରମ୍ଭ କରାଯିବ ।
ଏୟାରଲାଇନ୍ କମ୍ପାନୀ ଦେଶର ପ୍ରମୁଖ ସହରରୁ ୧୬୨୨ ଟଙ୍କାରେ ବିମାନ ଟିକେଟ୍ ନେଇଆସିଛି । କମ୍ପାନୀ ଅନୁସାରେ ୧୬୨୨ ଟଙ୍କା ଭଡା ମୁମ୍ବାଇ-ଗୋଆ, ଦିଲ୍ଲୀ-ଜୟପୁର ଏବଂ ଗୌହାଟୀ-ବାଗଡୋଗରା ଭଳି ଘରୋଇ ଯାତ୍ରା ପାଇଁ ଲାଗୁ ହେବ । ଏହା ବ୍ୟତୀତ ଅନ୍ୟ କିଛି ସହରରେ ମଧ୍ୟ ପ୍ରାୟ ଏତିକି ଟଙ୍କାରେ ଯାତ୍ରାର ସୁଯୋଗ ଦେଇଛି କମ୍ପାନୀ ।
୧ ଫେବୃୟାରୀରୁ ସ୍ପାଇସଜେଟ୍ ଅଯୋଧ୍ୟା ପାଇଁ ସିଧା ଗମନାଗମନ ଆରମ୍ଭ କରୁଛି । ଏହି ବିମାନ ଚେନ୍ନାଇ, ଅହମଦାବାଦ, ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ, ଜୟପୁର, ପାଟଣା ଏବଂ ଦରଭଙ୍ଗା ଭଳି ପ୍ରମୁଖ ଭାରତୀୟ ସହରକୁ ଯୋଡିବ । ୨୨ ଜାନୁୟାରୀରୁ ଏହି ଅଫରକୁ ଆରମ୍ଭ କରିଛି ସ୍ପାଇସଜେଟ୍ । ୨୮ ଜାନୁୟାରୀ ପର୍ଯନ୍ତ ଯାତ୍ରୀ ଏହାକୁ ବୁକିଂ କରିପାରିବେ । ତେବେ ୩୦ ସେପ୍ଟେମ୍ବର ୨୦୨୪ ସୁଦ୍ଧା ଯାତ୍ରା କରିହେବ । ଏହି ଅଫର କେବଳ କିଛି ବଛା ବଛା ସହରରୁ ଆରମ୍ଭ କରାଯାଇଛି । ଏହି ଅଫର ଅନୁସାରେ ପ୍ରଥମେ ଆସ ଏବଂ ପ୍ରଥମେ ସିଟ୍ ପାଅ ଆଧାରରେ ସିଟ୍ ବଣ୍ଟାଯିବ । ଗ୍ରୁପ୍ ବୁକିଂରେ ଏହି ଅଫରର ଲାଭ ମିଳିବନି । ଏହି ଅଫରକୁ ଅନ୍ୟ କୌଣସି ଅଫର ସହିତ ମର୍ଜ କରିହେବନି । ଏହା ବ୍ୟତୀତ ଯଦି ଆଫଣ ଟିକେଟ୍ ରଦ୍ଦ କରୁଛନ୍ତି ତେବେ ପଇସା ଫେରସ୍ତ କରାଯିବ ।
Comments are closed.