ନୂଆଦିଲ୍ଲୀ : ଜାନୁଆରୀ ୨୨ ତାରିଖରେ ଅଯୋଧ୍ୟାରେ ଭବ୍ୟ ରାମ ମନ୍ଦିର ଲୋକାର୍ପଣ ଉତ୍ସବ ଅନୁଷ୍ଠିତ ହେବ । ଏଥିଲାଗି କେବଳ ଅଯୋଧ୍ୟା ନୁହେଁ , ସାରା ଦେଶ ଉତ୍ସବ ମୂଖରିତ ହୋଇଉଠିଛି। ଉତ୍ତର ପ୍ରଦେଶରେ ସରକାର ଛୁଟି ଘୋଷଣା କରିଛନ୍ତି । ତେବେ କେବଳ ଭାରତ ନୁହେଁ , ବିଦେଶରେ ମଧ୍ୟ ଏହି ଉତ୍ସବକୁ ନେଇ ଉତ୍ସାହ ଦେଖିବାକୁ ମିଳିଛି। ଏହି କ୍ରମରେ ମରିସସ୍ ସରକାର ଜାନୁଆରୀ ୨୨ ତାରିଖ ଦିନ ଛୁଟି ଘୋଷଣା କରିଛନ୍ତି। ଦେଶର ହିନ୍ଦୁ କର୍ମଚାରୀଙ୍କ ପାଇଁ ଏହି ଦିନ ୨ଘଣ୍ଟା ବିଶେଷ ଅବକାଶ ରଖିବା ନେଇ ସେ ଘୋଷଣା କରିଛନ୍ତି। ଯାହାଦ୍ୱାରା ସେମାନେ ରାମ ମନ୍ଦିର ଲୋକାର୍ପଣକୁ ଦେଖିପାରିବେ।
ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମେତ ବହୁ ବରିଷ୍ଠ ବ୍ୟକ୍ତିବିଶେଷ ଯୋଗଦେବାର କାର୍ଯ୍ୟକ୍ରମ ରହିଛି। ବହୁ ସଂଖ୍ୟାରେ ସାଧୁ ସନ୍ଥ ମଧ୍ୟ ଏଥିରେ ସାମିଲ ହେବେ । କିନ୍ତୁ କଂଗ୍ରେସର ବରିଷ୍ଠ ନେତୃତ୍ବ ଏହି କାର୍ଯ୍ୟକ୍ରମରେ ଯୋଗଦେବାକୁ ମନା କରିଦେଇଛନ୍ତି।
Comments are closed.