ଘଣ୍ଟାପଡ଼ା : କଣ୍ଟାମାଳ ବ୍ଳକ ଖୁଣ୍ଟିଗୋରା ପଞ୍ଚାୟତ ସରପଞ୍ଚ ପଦବୀ ଅଯୋଗ୍ୟ ଘୋଷଣା ମାମଲାରେ ଗୁରୁବାର ସନ୍ଧ୍ୟା ୫ଟା ସମୟରେ ମାନ୍ୟବର ଜିଲ୍ଲା ଅଦାଲତ ରହିତାଦେଶ ଜାରି କରିଛନ୍ତି। ସୂଚନା ପ୍ରକାରେ ଖୁଣ୍ଟିଗୋରା ପଞ୍ଚାୟତର ସରପଞ୍ଚ ସୁନୀତା ମାଝୀଙ୍କ ଦୁଇରୁ ଅଧିକ ସନ୍ତାନ ଥିବା ନେଇ ହୋଇଥିବା ନିର୍ବାଚନୀ ମାମଲାରେ କଣ୍ଟାମାଳ ସିଭିଲ ଜଜ୍ ଜୁନିଅର ଡିଭିଜନ ତଥା ଇଲେକ୍ସନ ଟ୍ରିବ୍ୟୁନାଲ ଅଯୋଗ୍ୟ ଘୋଷଣା କରିଥିଲେ। ଜିଲ୍ଲା ଦୌରା ଜଜ ବିକ୍ରମ କୁମାର ପ୍ରଧାନ ମାମଲାର ଶୁଣାଣି କରି ରାୟ ଶୁଣାଇଛନ୍ତି।
୨୦୨୨ରେ ଅନୁଷ୍ଠିତ ପଞ୍ଚାୟତ ନିର୍ବାଚନରେ ପ୍ରଭାସିନନୀ ଖଟୁଆଙ୍କୁ ହରାଇ ସୁନୀତା ମାଝୀ ବିଜୟ ଲାଭ କରି ସରପଞ୍ଚ ପଦବୀରେ ଆସିନ ହୋଇଥିଲେ। ନିର୍ବାଚନ ପରେ ପରାଜିତ ପ୍ରାର୍ଥି ପ୍ରଭାସିନୀ ଖଟୁଆ ଅଦାଲତର ଦ୍ୱାରସ୍ଥ ହୋଇ ତିନୋଟି ସନ୍ତାନର ଜନନୀ ହୋଇଥିବାରୁ ସୁନୀତାଙ୍କୁ ଅଯୋଗ୍ୟ ଘୋଷଣା କରିବାକୁ ନିବେଦନ କରିଥିଲେ। ତଳ ଅଦାଲତର ରାୟ ବିରୁଦ୍ଧରେ ସୁନୀତା ମାଝୀ ଜିଲ୍ଲା ଅଦାଲତର ଦ୍ବାରସ୍ଥ ହୋଇଥିଲେ। ସୁନୀତା ମାଝୀଙ୍କ ତରଫରୁ ବରିଷ୍ଠ ଓକିଲ ଅଜିତ କୁମାର ଦାସ ମାମଲା ପରିଚାଳନା କରିଥିଲେ।
Comments are closed.