ମାଙ୍କଡ଼ଙ୍କ ଦାଉ ବଳିଲା
ପୁରୀ, ୨୨।୧୨।୩୩:ସହରରେ ଦିନକୁଦିନ ମାଙ୍କଡ଼ଙ୍କ ଅତ୍ୟାଚାର ବଢ଼ୁଛି ସିନା କମୁନି। ଯାହା ତ’ ଜିନିଷପତ୍ର କ୍ଷତି କରି ଘରଦୁଆର ଭାଙ୍ଗୁଥିଲେ, ଏବେ ଅନେକ ଲୋକଙ୍କୁ କାମୁଡ଼ିବାର ଦେଖାଗଲାଣି। କାଲି ବାଲିସାହିର ଗୋଟିଏ ଯୁବକର ଜଂଘକୁ ମାଙ୍କଡ଼ କାମୁଡ଼ିଦେଇଛି। ମ୍ୟୁନିସିପାଲିଟି ଭଲା ଏହାର ଶୀଘ୍ର ପ୍ରତିକାର କରନ୍ତୁ।
କାଳୀଙ୍କ ଗହଣା ଚୋରି
ବନାରସ, ୨୧।୧୨।୩୩: ଦଶାଶ୍ବମେଧ ଘାଟ କାଳୀ ମନ୍ଦିରରୁ ବୁଧବାର ରାତିରେ କାଳୀଙ୍କର ଗହଣା କିଏ ଚୋରି କରି ନେଇଛି। ପୁଲିସ୍ ଇନ୍କ୍ବାରୀ ଚାଲିଛି।
ଚାକିରି ବାକିରି ଦରମା କମିବ
ଭାରତ ମନ୍ତ୍ରୀ ବିଚାର କରୁଛନ୍ତି
ଲଣ୍ଡନ,ତା୨୧।୧୨।୩୩: ଆଜି ପାର୍ଲାମେଣ୍ଟରେ ଭାରତ ମନ୍ତ୍ରୀ ସାର୍ ହୋର୍ କହିଲେ ଯେ- ଏଣିକି ଭାରତର ସିଭିଲ୍ ସର୍ଭିସ୍ ଓ ଭାରତୀୟ ଗ୍ରେଡ୍ ପୁଲିସ୍ ଚାକିରିରେ ଯେଉଁମାନେ ନୂଆ ନିଯୁକ୍ତି ହେବେ, ତାଙ୍କ ବେତନ ହାର କମାଇବା ବିଷୟରେ ଯୋଜନା ଚାଲିଛି।
ବ୍ୟୋମଯାନ ଚଳିବାରେ ସହରର କ୍ଷୟକ୍ଷତି
ପୁରୀ, ତା୨୨।୧୨।୩୩: ସହରରେ ବ୍ୟୋମଯାନ ଭଡ଼ା ଲାଗିବାର ଆଜକୁ ୩ଦିନ ହେଲା ଜଣ ପିଛା ୫ଟଙ୍କା ନେଇ ୩ ମିନିଟ୍ ବୁଲାଇ ଦିଆଯାଉଛି। ଏଥିମଧ୍ୟରେ ପରିଚାଳକ ୨୦୦ ଉପରେ ଟଙ୍କା ଆଦାୟ କରିସାରିଲେଣି। ଆଉ କେତେଦିନ ଏପରି ଚାଲିଲେ, ଅନେକ ଲୋକ କ୍ଷତିଗ୍ରସ୍ତ ହେବେ। ଘରୁ କିଏ କିଏ ଧନ ନେଇ ବ୍ୟୋମଯାନ ଚଢ଼ୁଥିବାର ଜଣାପଡ଼ିଛି। ମେଜେଷ୍ଟର ସାହେବ କେବଳ ୪ଦିନ ପାଇଁ ଅନୁମତି ଦେଇଛନ୍ତି। ଆଶା ଆଉ ବେଶୀ ଦିନ ପାଇଁ ଦେବେ ନାହିଁ।
