ଦାଦନ ଖଟିବାକୁ ଯାଇଥିବା ମହିଳା ଶ୍ରମିକ ନିଖୋଜ -ପରିବାର ବର୍ଗ ଥାନାର ଦ୍ୱାରସ୍ଥ

ଲାଞ୍ଜିଗଡ : ଦିନକୁ ଦିନ ଦାଦନ ଶ୍ରମିକ ଦୁଃଖ ଲାଞ୍ଜିଗଡ ଅଞ୍ଚଳରେ ବଢ଼ିବାରେ ଲାଗିଛି I କେତେ ବେଳେ ଦାଦନ ଶ୍ରମିକ ସାହୁକାରଙ୍କ ଠାରୁ ନିର୍ଯ୍ୟାତିତ ହେଉଛି ତ କେତେବେଳେ ନିଖୋଜ ଆଉ ପୁଣି କେତେବେଳେ ଶବ ହୋଇ ଗାଁକୁ ଫେରୁଛନ୍ତି l ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଲାଞ୍ଜିଗଡ ବ୍ଲକ ଲାଞ୍ଜିଗଡ ଥାନା ଅଞ୍ଚଳ ଜଗନ୍ନାଥପୁର ପଞ୍ଚାୟତ ବଳଭଦ୍ରପୁର ଗ୍ରାମର Iଲାଞ୍ଜିଗଡ ଥାନା ଅନ୍ତର୍ଗତ ଜଗନ୍ନାଥପୁର ପଞ୍ଚାୟତ ବଳଭଦ୍ରପୁର ଗ୍ରାମର ବିଜୁଳି ମାଝୀ (୪୧) ନାମକ ଜଣେ ମହିଳା ଶ୍ରମିକ ଦାଦନ ଖଟିବାକୁ ଯାଇ ଉତ୍ତର ପ୍ରଦେଶର ବନାରସ ଠାରେ ନିଖୋଜ ହେଇଯାଇଛନ୍ତି

ସୂଚନାନୁସାରେ ବଳଭଦ୍ରପୁର ଗ୍ରାମର ବିଜୁଳି ମାଝୀ ନାମକ ମହିଳା ଏହି ମାସ ୨ ତାରିଖ ଦିନ ସେହି ଗ୍ରାମର ୨ ଜଣ ମହିଳାଙ୍କ ସହିତ ବ୍ରହ୍ମପୁର ଯାଇଥଇଲେ । ସେଠାରେ ମହିଳା ଦୁଇଜଣ ଦାଦନ ଦଲାଲ ପାଖରେ ଛାଡିଥିଲେ ବ୍ରହ୍ମପୁରରୁ ଦଲାଲ ପାଖରୁ ବନାରସରୁ କୌଣସି ମାଲିକ ଆସି ବିଜୁଳି ଏବଂ ଅନ୍ୟ ଶ୍ରମିକ ମାନଙ୍କୁ ନେଇକି ଯାଇଥିବା ସୂଚନା ମିଳିଛି । ସେଠାରେ କୌଣସି କାରଖାନାରେ କାମ କରିବା ପାଇଁ I ଗତ ୮ ତାରିଖ ଦିନ ବନାରସର ଠିକାଦାର ବିଜୁଳି ଘରକୁ ଫୋନ ଯୋଗେ ବିଜୁଳିର ପୁଅ ମୁରଲୀ ମାଝୀଙ୍କୁ ତାଙ୍କ ମା ବନାରସର ଘରୁ କେଉଁଆଡେ ଚାଲି ଯାଇଛନ୍ତି ବୋଲି ଜଣାଇଥିଲେ I

ବିଜୁଳିଙ୍କ ପୁଅ ମୁରଲୀ ମାଝୀ ଲାଞ୍ଜିଗଡ ଥାନାରେ ମିହଳାଙ୍କ ନିଖୋଜ ବିଷୟରେ ଏକ ମାମଲା ଦାୟର କରିଛନ୍ତି I ଏ ନେଇ ଲାଞ୍ଜିଗଡ ଥାନା କେଶ ନଂ ୧୫/୨୩ ରେ ମାମଲା ରୁଜୁ କରି ତଦନ୍ତ କରୁଥିବା ଥାନାଧିକାରୀ ବିଜୟ ଲକ୍ଷ୍ମୀ ହିକକା ସୂଚନା ଦେଇଛନ୍ତି