ଫୁଲବାଣୀ: ବାବା ସାହେବ ବିଶ୍ଵରତ୍ନ ଡ ବି ଆର ଆମ୍ବେଦକରଙ୍କ ୬୭ତମ ମହା ପରି ନିର୍ବାଣ ଦିବସ ଅବସରରେ ଶ୍ରଦ୍ଧାଞ୍ଜଳି ଏବଂ ଆଲୋଚନା ଚକ୍ର ସାମାଜିକ ସଂଗଠନ ଜାଗ୍ରତ କନ୍ଧମାଳ ଓଡିଶା ତରଫରୁ ପାଳିତ ହୋଇଯାଇଛି। କନ୍ଧମାଳ ଜ଼ିଲ୍ଲା ଆରକ୍ଷୀ ଅଧିକ୍ଷକ ଶୁଭେନ୍ଦୁ ପାତ୍ର ମୁଖ୍ୟଅତିଥି, ଅନ୍ୟତମ ଅତିଥି ରୂପେ ସହକାରୀ ଜ଼ିଲ୍ଲାପାଳ ବିବେକାନନ୍ଦ ସାମଲ, ଜ଼ିଲ୍ଲା ଲୋକ ସମ୍ପର୍କ ଅଧିକାରୀ ପ୍ରମୁଖ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ଏହି ଅବସରରେ ଫୁଲବାଣୀ ବିଜୁ କଲ୍ୟାଣ ମଣ୍ଡପରେ ଶ୍ରଦ୍ଧାଞ୍ଜଳି ସଭା ସଭାପତି ଅରୁଣ ନାୟକଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା। ଆଧୁନିକ ଭାରତ ନିର୍ମାଣରେ ବାବା ସାହେବଙ୍କ ଅବଦାନ ବିଷୟରେ ଆଲୋଚନା ହୋଇଥିଲା। ମୁଖ୍ୟତିଥି ଭାବେ ବିହନ ନିଗମ ଅଧ୍ୟକ୍ଷ ବିଜୟ ନାୟକ ଓ ମୁଖ୍ୟବକ୍ତା ଭାବେ ସହକାରୀ ଜ଼ିଲ୍ଲାପାଳ ବିବେକାନନ୍ଦ ସାମଲ ଯୋଗ ଦେଇଥିଲେ। ସନମାନିତ ଅତିଥିଭାବେ କନ୍ଧମାଳ କଂଗ୍ରେସ କମିଟି ପ୍ରଵକ୍ତା ଘନ କୁମାର ଶବର, ପୂର୍ବତନ ଖଜୁରୀପଡା ପଂଚାୟତ ସମିତି ଅଧ୍ୟକ୍ଷ ବୀରେନ୍ଦ୍ର କହ୍ନର, କୁଇସମାଜ ସମ୍ପାଦକ ଅବନୀ ଯାନୀ ପ୍ରମୁଖ ଯୋଗ ଦେଇଥିଲେ।
