ଗୁରୁଡିଝାଟିଆ : ବାଳିସ୍ଥିତ ଶ୍ରୀ ଶ୍ରୀ ଧବଳେଶ୍ୱର ବିଜ୍ଞାନ ଓ ବୈଷୟିକ ମହାବିଦ୍ୟାଳୟରେ ବିଶ୍ୱ ଏଡ୍ସ ଦିବସ ପାଳିତ ହୋଇ ଯାଇଛି । ଯୁବ ରେଡକ୍ରସ ପକ୍ଷରୁ ଆୟୋଜିତ ସଚେତନତା କାର୍ଯ୍ୟକ୍ରମରେ ମହାବିଦ୍ୟାଳୟ ଅଧ୍ୟକ୍ଷ ସୁରେଶ ଚନ୍ଦ୍ର ରାଉତରାୟ ମୁଖ୍ୟ ଅତିଥି ଭାବରେ ଯୋଗଦେଇ ଏଡ୍ସର କାରଣ, ନିରାକରଣ ଓ ପ୍ରତିଷେଧକ ବ୍ୟବସ୍ଥା ସଂପର୍କରେ ଆଲୋକପାତ କରିଥିଲେ। ମହାବିଦ୍ୟାଳୟ ପ୍ରଶାସନିକ ଅଧିକାରୀ ଅଧ୍ୟାପକ ପ୍ରଦୀପ୍ତ କୁମାର ସାହୁ ମୁଖ୍ୟବକ୍ତା ଭାବେ ଯୋଗଦେଇ ସଚେତନତା ହିଁ ଏଡ୍ସ ମୂଳୋତ୍ପାଟନର ମୁଖ୍ୟ ଅସ୍ତ୍ର ବୋଲି କହିଥିଲେ । ଯୁବ ରେଡକ୍ରସ କାଉନସିଲର ଡଃ ମମତା ସେନାପତିଙ୍କ ଦ୍ୱାରା ଆୟୋଜିତ ଏହି ସଚେତନତା କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ ବିଦ୍ୟାର୍ଥୀଙ୍କୁ ଏଡ୍ସ ସଂପର୍କରେ ସଚେତନ କରାଯାଇଥିବା ବେଳେ ରେଡ ରିବନ କ୍ଲବ ଆନୁକୂଲ୍ୟରେ ମାନବ ଶୃଙ୍ଖଳ ଦ୍ୱାରା ମଧ୍ୟ ସଚେତନତା କରାଯାଇଥିଲା । ପ୍ରାଧ୍ୟାପିକା ସୁନନ୍ଦା ସାହୁ, ଅଧ୍ୟାପକ ଶଶିକାନ୍ତ ମହାନ୍ତି, ଦୁର୍ଗା ଚରଣ ମଙ୍ଗୁଆଳ ପ୍ରମୁଖ ଉପସ୍ଥିତ ରହି ସକ୍ରିୟ ଅଂଶଗ୍ରହଣ କରିଥିଲେ । ଅଧ୍ୟାପକ ରଶ୍ମୀରଞ୍ଜନ ମହାପାତ୍ର ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article