ପିପିଲି: ପିପିଲି ନିକଟବର୍ତ୍ତୀ ଗୋବର୍ଦ୍ଧନପୁରସ୍ଥିତ ଦୟାନଦୀର ବାମପାର୍ଶ୍ବ ବନ୍ଧରୁ କଳା ମୁଗୁନି ପଥରରେ ନିର୍ମିତ ଶିବ ପାର୍ବତୀଙ୍କ ଯୁଗଳ ମୂର୍ତ୍ତିକୁ ସ୍ଥାନୀୟ ଲୋକେ ଗୁରୁବାର ଭୋର୍ ସମୟରେ ଉଦ୍ଧାର କରିଛନ୍ତି। ମୂର୍ତ୍ତିଟି ଏକ ଧଳା ଜରି ଅଖାରେ ଭର୍ତ୍ତି ହୋଇ ନଦୀବନ୍ଧରେ ରଖାଯାଇଥିବା ବେଳେ ସେଠାକୁ ଫୁଲ ତୋଳିବାକୁ ଯାଇଥିବା ଲୋକେ ମୂର୍ତ୍ତିକୁ ଜରିଅଖା ମଧ୍ୟରୁ ଉଦ୍ଧାର କରିଥିଲେ। ଏହି ଘଟଣାଟି ପ୍ରଚାର ହେବା ପରେ ଘଟଣାସ୍ଥଳରେ ବେଶ୍ ଭିଡ ଜମିଥିଲା। ଏହା ଏକ ପ୍ରାଚୀନ ମୂର୍ତ୍ତି ହୋଇଥିବା ଏବଂ କୌଣସି ମନ୍ଦିରର ହୋଇଥିବା ନେଇ ସାଧାରଣରେ ଆଲୋଚନା ଚାଲିଥିବା ବେଳେ ମୂର୍ତ୍ତିଟି ସେଠାକୁ କିଭଳି ଆସିଲା ସେନେଇ ନାନା ସନ୍ଦେହ ପ୍ରକାଶ ପାଇଛି। ମୂର୍ତ୍ତି ସଂପର୍କରେ କୌଣସି ସ୍ପଷ୍ଟ ସୂଚନା ମିଳିନଥିବା ବେଳେ ପୁଲିସ ଘଟଣାର ଅନୁସନ୍ଧାନ ଚଳାଇଥିବା ଜଣାଯାଇଛି।
Popular Categories
Previous article
Next article