କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ କରପା ପଞ୍ଚାୟତର ସିଙ୍ଗା ପଠା ଗ୍ରାମର ମହିଳା ସିନାମୀ କାଡ୍ରକା, (୫୦) ଙ୍କର ବାଇକ ଧକ୍କାରେ ମୃତ୍ୟୁ ଘଟିଛି। ସୂଚନା ମୁତାବକ ସେ ଔଷଧ ପାଇଁ ସୁଳିପଦର ଗ୍ରାମର ଜଣେ ବୈଦଙ୍କ ନିକଟକୁ ଯାଇ ଫେରୁଥିବା ସମୟରେ ଅଜୟଗଡ ରାଣୀପଦର ମଧ୍ୟରେ ଦୁଇ ଜଣ ଯୁବକ କାମେଶ୍ୱର କାଡ୍ରକା ଓ ଧନ ନାଛିକା ବାଇକ ଯୋଗେ ଦ୍ରୁତ ଗତିରେ ତାଙ୍କୁ ଧକ୍କା ଦେଇଥିଲେ। ଯାହାଫଳରେ ମହିଳା ଅଚେତ ହୋଇ ଯିବାରୁ ପାଖ ଲଟା ଭିତରେ ଫିଙ୍ଗି ଦେଇ ଚାଲି ଯାଇଥିଲେ।
ଆଜି ମଙ୍ଗଳବାର ସାପ୍ତାହିକ ହାଟ ହୋଇଥିବାରୁ ବଜାର ଯାଇ ଫେରିବା ବେଳେ କିଛି ଲୋକ ମର ଶରୀରକୁ ଦେଖି ଚର୍ଚ୍ଚା ହେବାରୁ ଅଖା ପାଖ ଗାଁ ଲୋକେ ରୁଣ୍ଡ ହୋଇ ଥାନାକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ଏସ ଆଇ ସଞ୍ଜୟ ମୂର୍ମୁ ପହଁଚି ତଦନ୍ତ କରୁଥିବା ବେଳେ ବାଇକ ଚାଳକ ମାନେ ପୁଲିସ ପାଖରେ ଆତ୍ମ ସମର୍ପଣ ହୋଇଥିବା ଏସ ଆଇ ମୂର୍ମୁ ସୂଚନା ଦେଇଛନ୍ତି।
