କାମାକ୍ଷାନଗର: କାମାକ୍ଷାନଗର ଅଞ୍ଚଳର ଖଣି ବ୍ୟବସାୟୀ ନିରାକାର ସାହୁ ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ଦିବ୍ୟଦର୍ଶନ ମାହୁନ୍ତଙ୍କୁ ଗିରଫ କରିଛି ପୁଲିସ l ବାପା ଦିପକ ମାହୁନ୍ତଙ୍କ ହତ୍ୟାକାଣ୍ଡର ପ୍ରତିଶୋଧ ପାଇଁ ସୁପାରି ଦେଇଥିଲେ ପୁଅ ଦିବ୍ୟଦର୍ଶନ ଓରଫ ବିକି l ବାପା ହତ୍ୟାକାଣ୍ଡର ପ୍ରତିଶୋଧ ନେବା ପାଇଁ ପୁଅ ଦିବ୍ୟଦର୍ଶନ ମାହୁନ୍ତ ୧ଲକ୍ଷ ଟଙ୍କାର ସୁପାରି ଦେଇ ହତ୍ୟା କରିଥିବା ସାମ୍ବାଦିକ ସମ୍ମିଳନିରେ କାମାକ୍ଷାନଗର ଉପଖଣ୍ଡ ଆରକ୍ଷୀ ଅଧିକାରୀ ପ୍ରଭାତ କୁମାର ତ୍ରିପାଠୀ ସୂଚନା ଦେଇଛନ୍ତି।
ଗତମାସ ୨୭ ତାରିଖ ବିଳମ୍ବିତ ରାତିରେ ନିରାକାର ସାହୁକୁ କାମାକ୍ଷାନଗର ଥାନା ଆଳତୁମା ମାଳବନ୍ଧ ନିକଟରେ ଗୁଳିମାଡ କରି ହତ୍ୟା ହତ୍ୟାଥିଲେ ଦୃର୍ବୁତ୍ତ। ନିରାକାରଙ୍କ ସ୍ତ୍ରୀ ଜାନକି ସାହୁ ଏନେଇ ଥାନାରେ ଲିଖିତ ଅଭିଯୋଗ ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ କରାଯାଇ ଥିବା ବେଳେ ହତ୍ୟାକାଣ୍ଡ ପରେ ଅଭିଯୁକ୍ତମାନେ ଫେରାର ହୋଇଯାଇଥିଲେ।
ଏହି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଦିବ୍ୟଦର୍ଶନ ଓରଫ ବିକି ଘଟଣା ଘଟିସାରିବା ପରେ ତିରୁପତି ପଳାଇ ଯାଇଥିଲା। ସେଦିନଠାରୁ ପୋଲିସ ତାକୁ ଖୋଜୁଥିଲା। ଗତ ୨୬ ତାରିଖ ଦିନ ସେ ତାଙ୍କ ଘର ତୁମୁଶିଙ୍ଗା ଥାନା ବାରୁଆଁ ଆସିଥିବାବେଳେ, ବିଶେଷ ସୁତ୍ରରୁ ଖବର ପାଇ ପୁଲିସ ମାଡିବସିଥିଲା। ଅନ୍ୟ ଅଭିଯୁକ୍ତ ମାନଙ୍କୁ ଖୁବଶିଘ୍ର ଗିରଫ କରାଯିବା ନେଇ ସୂଚନା ଦେଇଛନ୍ତି ଆରକ୍ଷୀ ଅଧିକାରୀ ପ୍ରଭାତ ତ୍ରିପାଠି। ଦୀପକ ମାହୁନ୍ତ ହତ୍ୟାକାଣ୍ଡରେ ମୁଖ୍ୟ ଅଭିଯୁକ୍ତ ଥିଲେ ନିରାକାର ସାହୁ। ଜେଲରେ ରହିବା ପରେ କିଛି ମାସ ତଳେ ବେଲରେ ଆସିଥିଲେ ନିରାକାର ସାହୁ, ଯାହାକୁ ସୁପାରି ଦେଇ ହତ୍ୟା କରାଯାଇଛି ବୋଲି ସେ ସୂଚନା ଦେଇଛନ୍ତି।
Comments are closed.