ଗୋପାଳପୁର: ଗୋପାଳପୁର ପୁଲିସ ବୁଧବାର ରାତିରେ ବଡ଼କୁସ୍ଥଳୀ ଗ୍ରାମରେ ଏକ ଜୁଆଆଡ୍ଡା ଉପରେ ଚଢ଼ାଉ କରି ୯ ଜଣଙ୍କୁ ଗିରଫ କରିଛି। ଏଥି ସହ ତାଙ୍କଠାରୁ ୩୯ ହଜାର ୮ ଶହ ଟଙ୍କା, ୯ଟି ମୋବାଇଲ, ୨ଟି ତାସବିଡା ଓ ଗୋଟିଏ ପାଲ ଜବତ କରିଛି। ଗତକାଲି ରାତିରେ ଗୋପାଳପୁର ଥାନା ଅଧିକାରୀ ବିବେକାନନ୍ଦ ସ୍ୱାଇଁ ଏକ ପୁଲିସ ଟିମ୍ ସହ ପାଟ୍ରୋଲିଂ କରୁଥିବା ବେଳେ କୌଣସି ସୂତ୍ରରୁ ବଡ଼କୁସ୍ଥଳୀ ଗ୍ରାମରେ ଜୁଆ ଖେଳ ଚାଲିଥିବା ଖବର ପାଇ ସେଠାରେ ଚଢ଼ାଉ କରିଥିଲେ। ସେଠାରୁ ୯ ଜଣଙ୍କୁ ଗିରଫ କରିବା ସହ ତାଙ୍କଠାରୁ ୩୯ ହଜାର ୮ ଶହ ଟଙ୍କା ଓ ବିଭିନ୍ନ ସାମଗ୍ରୀ ଜବତ କରିଥିଲେ। ଏନେଇ କେସ ନମ୍ବର ୪୧୦/୨୩ ରେ ଏକ ମାମଲା ରୁଜୁ କରି ସମସ୍ତଙ୍କୁ ସର୍ତ୍ତମୂଳକ ଜାମିନରେ ଛଡ଼ାଯାଇଥିବା ଥାନା ଅଧିକାରୀ ଶ୍ରୀ ସ୍ୱାଇଁ ସୂଚନା ଦେଇଛନ୍ତି। ଚଢ଼ାଉ ବେଳେ ଏଏସଆଇ ବିରଞ୍ଚି ନାରାୟଣ ଚୌଧୁରୀ, ପ୍ରଶାନ୍ତ କୁମାର ଡାକୁଆଙ୍କ ସମେତ ପୁଲିସ ଟିମ୍ ଉପସ୍ଥିତ ଥିଲେ।
Comments are closed.