ନର୍ଲା: ରୋଗରେ ଅସହାୟ ହୋଇ ପଡିଥିବା ଜନୈକ ବିବାହିତା ମହିଳାଙ୍କୁ ଶେଷରେ ରକ୍ତଦାନ କରି ଜୀବନ ବଞ୍ଚାଇଛନ୍ତି ସାମ୍ବାଦିକ ସୁମିତ କୁମାର ଶର୍ମା। ରୁପ୍ରାରୋଡ ପଞ୍ଚାୟତର ‘ସମାଜ’ ଖବର କାଗଜର ସାମ୍ବାଦିକ ସୁମିତ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଉକ୍ତ ମହିଳାଙ୍କୁ ରକ୍ତଦାନ କରିଛନ୍ତି। ବିଶେଷ କରି ପୀଡିତାଙ୍କୁ ଏ-ନେଗେଟିଭ୍ ଗ୍ରୁପର ରକ୍ତ ଆବଶ୍ୟକ ଥିବା ବେଳେ ଏହି ଗ୍ରୁପର ରକ୍ତ ପାଇବା କଷ୍ଟସାଧ୍ୟ। ଏହା ଜଣାପଡିବା ପରେ ‘ସମାଜ’ର ନର୍ଲା ସମ୍ବାଦଦାତା ମନୋଜ କୁମାର ଷଡ଼ଙ୍ଗୀ ସୋସିଆଲ ମିଡିଆରେ ରକ୍ତ ପାଇଁ ପ୍ରାର୍ଥନା କରିଥିଲେ। ସୋସିଆଲ ମିଡିଆରେ ଦେଖିବା ପରେ ସୁମିତ ନିଜ ଆଡ଼ୁ ଫୋନ କରି ତାଙ୍କର ଏ-ନେଗେଟିଭ୍ ଗ୍ରୁପ ଓ ସେ ରକ୍ତଦାନ କରିବାକୁ ପ୍ରସ୍ତୁତ ବୋଲି ଜଣାଇଥିଲେ। ରାତିରେ ଡାକ୍ତରଖାନା ଯାଇ ରକ୍ତଦାନ କରିଥିଲେ। ନିଜ ବାପ ଘର ତୁଳାପଡାରେ ରହି ଚିକିତ୍ସିତ ହେଉଥିବା ମହିଳ କଳ୍ପନା ବାରିକ(୩୫) ସିନ୍ଧେକେଲା ଝଲପରେ ରସିକ ବାରିକଙ୍କୁ ବିବାହ କରିଛନ୍ତି। ସାମ୍ବାଦିକ ସୁମିତଙ୍କୁ ମହିଳାଙ୍କ ବାପଘର ପରିବାର ଓ ଶାଶୁଘର ପରିବାର ସଦସ୍ୟମାନେ କୃତଜ୍ଞତା ଜଣାଇଛନ୍ତି।
Popular Categories
Previous article
Next article