କଲମ୍ବୋ : ଶ୍ରୀଲଙ୍କାର ବିତାଡିତ ପ୍ରଧାନମନ୍ତ୍ରୀ ରନିଲ ବିକ୍ରମସିଙ୍ଘେଙ୍କ ଦଳ ପାର୍ଲାମେଣ୍ଟର ଏକ ଗୁରୁତ୍ୱପୂର୍ଣ୍ଣ କମିଟିରେ ନିଜର ନିୟନ୍ତ୍ରଣ ହାସଲ କରିଛି। ପାର୍ଲାମେଣ୍ଟ କମିଟି ଉପରେ ବିକ୍ରମସିଙ୍ଘେଙ୍କ ନିୟନ୍ତ୍ରଣ ଦ୍ୱାରା ରାଷ୍ଟ୍ରପତି ମୈତ୍ରୀପାଳ ଶିରୀସେନା ଓ ତାଙ୍କ ମନୋନୀତ ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେଙ୍କୁ ଶକ୍ତ ଧକ୍କା ଲାଗିଛି। ଶୁକ୍ରବାର ପାର୍ଲାମେଣ୍ଟ ଅଧିବେଶନ କାଳରେ ଶିରୀସେନାଙ୍କ ୟୁନାଇଟେଡ ପିପୁଲ୍ସ ଫ୍ରିଡମ୍ ଆଲାଏନ୍ସ (ୟୁପିଏଫଏ) ବାଚସ୍ପତିଙ୍କ କମିଟି ନିଯୁକ୍ତି ପ୍ରକ୍ରିୟାକୁ ବିରୋଧ କରି କକ୍ଷ ତ୍ୟାଗ କରିଥିଲେ। ଶିରୀସେନାଙ୍କ କକ୍ଷତ୍ୟାଗ ସତ୍ତ୍ବେ ବାଚସ୍ପତି କମିଟି ନିଯୁକ୍ତି ପ୍ରକ୍ରିୟା ତ୍ୱରାନ୍ୱିତ କରିଥିଲେ। ପରେ ବାଚସ୍ପତି ବିକ୍ରମସିଙ୍ଘେଙ୍କ ୟୁନାଇଟେଡ ନ୍ୟାସନାଲ ଫ୍ରଣ୍ଟ (ୟୁଏନଏଫ)ର ୫ ଜଣ , ତାମିଲନାଡୁ ନ୍ୟାସନାଲ ଆଲାଏନ୍ସ (ଟିଏନଏ) ଜଣେ ଓ ଜନତା ବିମୁକ୍ତି ପେରାମାରୁ (ଜେଭିପି)ରୁ ଜଣେ ଲେଖାଏଁ କମିଟିରେ ନିଯୁକ୍ତି ଦେଇଥିଲେ। ୧୨ଜଣିଆ କମିଟିରେ ବିକ୍ରମସିଙ୍ଘେଙ୍କ ମେଣ୍ଟରୁ ୭ଜଣ ନିଯୁକ୍ତି ପାଇଥିବାବେଳେ ଶିରୀସେନାଙ୍କ ଦଳରୁ ୫ଜଣ ନିଯୁକ୍ତି ପାଇଛନ୍ତି। ଅକ୍ଟୋବର ୨୬ରେ ରାଷ୍ଟ୍ରପତି ଶିରୀସେନା ଆସ୍ୱାଭାବିକ ଭାବେ ପ୍ରଧାନମନ୍ତ୍ରୀ ବିକ୍ରମସିଙ୍ଘେଙ୍କୁ ହଟାଇ ରାଜପକ୍ଷେଙ୍କୁ ପ୍ରଧାନମନ୍ତ୍ରୀ ଭାବେ ନିଯୁକ୍ତି ଦେଇଥିଲେ। ଏହା ପରଠାରୁ ଦେଶରେ ଅଚଳାବସ୍ଥା ଦେଖାଯାଇଥିଲା।
Popular Categories
Previous article
Next article