ନୂଆଦିଲ୍ଲୀ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ କରତାରପୁର କରିଡର ଶିଳାନ୍ୟାସ ପାଇଁ ପଞ୍ଜାବ କ୍ୟାବିନେଟ ମନ୍ତ୍ରୀ ତଥା କ୍ରିକେଟର ନବଜୋତ ସିଂ ସିଦ୍ଧୁଙ୍କୁ ଆସିବା ପାଇଁ ନିମନ୍ତ୍ରଣ ଦେଇଛନ୍ତି। ମିଳିଥିବା ସୂଚନା ଅନୁସାରେ ନଭେମ୍ବର ୨୮ ତାରିଖରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ନଭେମ୍ବର ୨୬ ତାରିଖରେ ଭାରତର ରାଷ୍ଟ୍ରପତି ରାମନାଥ କୋବିନ୍ଦ ଓ ପଞ୍ଜାବ ମୁଖ୍ୟମନ୍ତ୍ରୀ ନବଜୋତ ସିଂ କରତାରପୁର କରିଡର ଶିଳାନ୍ୟାସର ଉଦଘାଟନ କରିବାର ଯୋଜନା ରହିଛି। ପୂର୍ବରୁ ନବଜୋତ ସିଂ ସିଦ୍ଧୁ ଏହି କରିଡର ପାଇଁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଟୁଇଟ୍ କରି ଧନ୍ୟବାଦ ଜଣାଇଥିଲେ। ସେ ଲେଖିଥିଲେ ଇମ୍ରାନ ଖାନ ଧନ୍ୟବାଦ। ଏଭଳି ସକରାତ୍ମକ ପଦକ୍ଷେପ ମାନବତାର ପରିଚୟ ସୃଷ୍ଟି କରିଛି।
ପୂର୍ବରୁ ନବଜୋତ ସିଂହ ସିଦ୍ଧୁ ଇମ୍ରାନ ଖାନଙ୍କ ଶପଥଗ୍ରହଣ ଉତ୍ସବରେ ଯାଇଥିଲେ। ଏହି ସମୟରେ ସେ ପାକିସ୍ତାନ ସେନା ମୁଖ୍ୟଙ୍କୁ ମିଶିବାକୁ ନେଇ ସିଦ୍ଧୁଙ୍କୁ କଡା ସମାଲୋଚନା କରାଯାଇଥିଲା।
ସୂଚନାଯୋଗ୍ୟ ଯେ ଶିଖ୍ ଗୁରୁ ନାନକ ଦେବଙ୍କ ୫୫୦ତମ ଜୟନ୍ତି ଅବସରରେ କରତାରପୁର କରିଡର ନିର୍ମାଣ କରିବାକୁ ଭାରତର ସରକାର ନିଷ୍ପତ୍ତି ନେଇଛନ୍ତି। ଏହି କରିଡର ଦ୍ୱାରା ଲୋକମାନେ କରାତରପୁର ସାହିବ ଯିବାକୁ ସୁବିଧା ମିଳିବ।
କରତାରପୁର କରିଡର ଶିଳାନ୍ୟାସ ପାଇଁ ସିଦ୍ଧୁଙ୍କୁ ନିମନ୍ତ୍ରଣ କଲେ ଇମ୍ରାନ
Popular Categories
Previous article
Next article