ବଲାଙ୍ଗୀର : ଲଘୁଚାପ ପ୍ରଭାବରେ ରାଜ୍ୟର ଅଧିକାଂଶ ସ୍ଥାନରେ ତୁହାକୁ ତୁହା ବର୍ଷା ଲାଗି ରହିଛି। ପ୍ରବଳ ବର୍ଷା ଯୋଗୁଁ ଆଜି ବଲାଙ୍ଗୀରରେ ସବୁ ସ୍କୁଲ ଛୁଟି। ସରକାରୀ, ବେସରକାରୀ ସ୍କୁଲ ଓ ଅଙ୍ଗନବାଡି କେନ୍ଦ୍ର ଛୁଟି ନେଇ ଘୋଷଣା କରାଯାଇଛି। ସମସ୍ତ ସ୍କୁଲ ଛୁଟି ନେଇ ବଲାଙ୍ଗୀର ଜିଲ୍ଲାପାଳଙ୍କ ପକ୍ଷରୁ ସୂଚନା ମିଳିଛି। ଦୀର୍ଘ ୮ ଘଣ୍ଟାରୁ ଅଧିକ ସମୟ ହେବ ସହରରେ ବିଦ୍ୟୁତ ସରବରାହ ବିଚ୍ଛିନ୍ନ ରହିଛି।
ସୂଚନାନୁଯାୟୀ, ଲଘୁଚାପ ପ୍ରଭାବରେ ସାରା ରାଜ୍ୟରେ ଲଗାଣ ବର୍ଷା ହେଉଛି।୨୪ ଘଣ୍ଟାରେ ବଲାଙ୍ଗୀରରେ ସର୍ବାଧିକ ୨୧୫ ମିିମି ବର୍ଷା ରେକର୍ଡ କରାଯାଇଛି। ରାୟଗଡା ଅମ୍ବାଦଳାରେ ୨୦୫ ମିମି ବର୍ଷା ରେକର୍ଡ କରାଯାଇଛି। ୨ଟି ସ୍ଥାନରେ ଭୀଷଣ ଅତିପ୍ରବଳ, ୧୬ଟି ସ୍ଥାନରେ ଅତିପ୍ରବଳ ବର୍ଷା ସହ ଏମ୍.ରାମପୁରରେ ୧୯୩, ଜଗତସିଂହପୁରରେ ୧୭୭.୨ ମିମି ବର୍ଷା, କୋଟଗଡରେ ୧୭୬ ମିିମି, ଥୁ.ରାମପୁର ୧୫୮ ମିିମି ବର୍ଷା ରେକର୍ଡ କରାଯାଇଛି।
Comments are closed.