ନୂଆଦିଲ୍ଲୀ: ରାମ ମନ୍ଦିର ନିର୍ମାଣ ପାଇଁ ଶିବ ସେନା ମୁଖ୍ୟ ଉଦ୍ଧବ ଠାକରେ “ଅଯୋଧ୍ୟା ଚାଲ’ ଡାକରା ଦେଇଛନ୍ତି। ଶିବସେନାର ଡାକରାରେ ଶହଶହ ଶିବ ସୈିନିକ ଆଜି ଅଯୋଧ୍ୟାରେ ପହଞ୍ଚିଛନ୍ତି। ଆଉ ଅଳ୍ପ ସମୟ ମଧ୍ୟରେ ଶିବ ସେନା ସୁପ୍ରିମୋ ଉଦ୍ଧବ ଠାକରେ ତାଙ୍କ ସମର୍ଥକଙ୍କୁ ନେଇ ଅଯୋଧ୍ୟା ପହଞ୍ଚିବାର କାର୍ଯ୍ୟକ୍ରମ ରହିଛି। ପୁନାର ଶିବନୋରୀ କିଲାର ମାଟି ସାଙ୍ଗରେ ନେଇ ଶିବ ସୈନିକ ଅଯୋଧ୍ୟା ଆସିଛନ୍ତି। ଏହି ମାଟି ରାମ ଜନ୍ମଭୂମି ମହନ୍ତଙ୍କୁ ପ୍ରଦାନ କରାଯିବ।
ଶିବ ସୈନିକଙ୍କ ଉପସ୍ଥିତିରେ ଦଳର ବରିଷ୍ଠ ନେତା ତଥା ସାଂସଦ ସଞ୍ଜୟ ରାଉତ ଅଯୋଧ୍ୟାର ଲକ୍ଷ୍ମଣ କିଲାଠାରେ ଭୂମି ପୂଜା କରିଛନ୍ତି। ଅଯୋଧ୍ୟା ମାଟିରେ ଶିବସେନା ପ୍ରମୁଖ ଉଦ୍ଧବ ଠାକରେ ରାମ ଜନ୍ମଭୂମିର ଘୋଷଣା କରିବେ। ଏହି ପରିପ୍ରେକ୍ଷୀରେ ୨ଦିନ ଧରି ଶିବ ସୈନିକ ଅଯୋଧ୍ୟାକୁ ଆସିବାରେ ଲାଗିଛନ୍ତି। ଅଯୋଧ୍ୟାର ସାଧୁ ସନ୍ଥଙ୍କ ସହ ଉଦ୍ଧବ ବୈଠକ କରିବା ସହ ମନ୍ଦିର ନିର୍ମାଣ ସମ୍ପର୍କିତ ଆଲୋଚନା କରିବେ।
ଯେତେସମୟ ପର୍ଯ୍ୟନ୍ତ ରାମ ମନ୍ଦିର ହେବ ନାହିଁ ସେତେ ପର୍ଯ୍ୟନ୍ତ ସରକାର ହେବ ନାହିଁ ବୋଲି ଶିବସେନା ପକ୍ଷରୁ ଦାବି କରାଯାଇଛି। ପ୍ରତି ଲୋକଙ୍କ ବ୍ୟାଙ୍କ ଖାତାରେ ୧୫ଲକ୍ଷ ଟଙ୍କା ଦେବାର ମିଥ୍ୟା ପ୍ରତିଶ୍ରୁତି ପରି ରାମ ମନ୍ଦିର ପ୍ରସଙ୍ଗକୁ ଏକ ନିର୍ଦ୍ଦିଷ୍ଟ ରାଜନୈତିକ ଦଳ ହାତରେ ଛାଡ଼ି ଦେଇ ହେବ ନାହିଁଁ। ଲୋକସଭା ନିର୍ବାଚନ ପୂର୍ବରୁ ରାମ ମନ୍ଦିର ପ୍ରସଙ୍ଗର ସମାଧାନ ପାଇଁ ଶିବସେନା ସଂଗ୍ରାମ ଆରମ୍ଭ କରିବ ବୋଲି ଘୋଷଣା କରିଛି।
ଅଯୋଧ୍ୟାକୁ ଯାଉଛନ୍ତି ଶିବସୈନିକ: ଆରମ୍ଭ ହେଲା ଭୂମି ପୂଜା
Popular Categories
Previous article
Next article