ଜଗତସିଂହପୁର : ସଡକ ଦୁର୍ଘଟଣାରେ ଜଣେ ଯୁବକଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି। ଏହି ଘଟଣା ଜଗତସିଂହପୁର ଜିଲା ୪ ପୋଲିଆ ନିକଟରେ ଘଟିଛି। ଏକ ସ୍କୁଟି-ସ୍କର୍ପିଓ ମୁହାଁମୁହିଁ ଧକ୍କା ହେବା ଫଳରେ ଦୁର୍ଘଟଣା ହୋଇଥିଲା। ଆହତମାନଙ୍କୁ ଉଦ୍ଧାର କରାଯାଇ ଜଗସିଂହପୁର ଜିଲା ମୁଖ୍ୟ ଚିକତ୍ସାଳୟରେ ଭର୍ତ୍ତି କରାଯାଇଛି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ ଯେ, ବିରିଡି ଥାନା ରାଣୀପଡାର ଅଜୟ ଖୁଣ୍ଟିଆ ଓ ତାଙ୍କର ଦୁଇ ଜଣ ସାଙ୍ଗ ଏକ ସ୍କୁଟିରେ ଜଗତସିଂହପୁର ଯାଇଥିଲେ। ସେମାନେ ଜଗତସିଂହପୁରରୁ ନିଜ ଘର ବିରିଡିକୁ ଫେରୁଥିବା ବେଳେ ବିପରୀତ ଦିଗରୁ ଆସୁଥିବା ଏକ ସ୍କର୍ପିଓ ଗାଡି ସେମାନଙ୍କୁ ଧକ୍କା ଦେଇଥିଲା। ସ୍କୁଟି ଆରୋହୀଙ୍କୁ ରକ୍ଷା କରିବାକୁ ଯାଇ ସ୍କର୍ପିଓ ଗାଡିଟି ରାସ୍ତା ତଳକୁ ଖସିଯାଇଥିଲା। ତିନି ଜଣ ସ୍କୁଟି ଆରୋହୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତର ସେଠାରେ ଅଜୟଙ୍କୁ ମୃତ ଘୋଷଣା କରିଥିଲେ।
- Advertisement -
