ବଙ୍ଗୋମୁଣ୍ଡା: ଭାଲୁମୁଣ୍ଡା-ଖଡ଼ିଆଳ ରାସ୍ତାର ଜଏରପଡା ଛକ ନିକଟରେ ଆଜି ଏକ ବସ ଦୁର୍ଘଟଣାଗ୍ରସ୍ତ ହୋଇଥିଲା। ଖଡ଼ିଆଳରୁ କଣ୍ଟାବାଞ୍ଜି ଅଭିମୁଖେ ଯାଉଥିବା ଆକାଶ ଟ୍ରାଭେଲସର ତାରିଣୀ ବସ ଓଲଟି ପଡିଥିଲା। ବସର ଆଗ ଚକ ଫାଟି ଯିବାରୁ ବସଟି ଓଲଟି ଯାଇଥିଲା। ବସଟି ଓଲଟି ଯିବା ଫଳରେ ୭ ଜଣ ଆହତ ହୋଇଥିଲେ। ସ୍ଥାନୀୟ ଲୋକେ ଆସି ଆହତ ଲୋକଙ୍କୁ ଉଦ୍ଧାର କରି ଖଡ଼ିଆଳ ସ୍ୱାସ୍ଥ୍ୟ କେନ୍ଦ୍ର ଏବଂ ଭାଲୁମୁଣ୍ଡା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ମା’ ସହିତ ବସରେ ଯାତ୍ରା କରୁଥିବା ଲକପତି ବାଗ (୧୨ବର୍ଷ )ଙ୍କୁ ଗୁରୁତର ଆହତ ଅବସ୍ଥାରେ ଚିକିତ୍ସା ପାଇଁ ଖଡ଼ିଆଳକୁ ନିଆଯାଇଥିଲା। ବସ ଚାଳକ ମଧ୍ୟ ଆହତ ହୋଇଥିବା ଜଣାପଡିଛି। ଖବର ପାଇ ଦୁର୍ଘଟଣା ସ୍ଥାନକୁ ବଙ୍ଗୋମୁଣ୍ଡା ଏବଂ ଖଡ଼ିଆଳ ପୁଲିସ ପହଞ୍ଚି ଆହତବ୍ୟକ୍ତିଙ୍କୁ ଉଦ୍ଧାର କରିବା ସହ ତଦନ୍ତ ଜାରି ରଖିଥିବା ସୂଚନା ମିଳିଛି।
Popular Categories
Previous article
Next article