ଗୁରୁଡିଝାଟିଆ : ସ୍ଥାନୀୟ ଅଞ୍ଚଳବାସୀଙ୍କ ବାରମ୍ବାର ଦାବି ଓ ରେଳବାଇ କତ୍ତୃପକ୍ଷଙ୍କୁ ଅଟକାଇ ସ୍ମାରକପତ୍ର ଦେବା ଫଳରେ ଗତ ୩ବର୍ଷ ତଳେ ରାଧାକିଶୋରପୁର ରେଳଷ୍ଟେସନ ନିକଟରେ ଏକ ଗଳାପୋଲ(ଅଣ୍ଡର ପାସ) ରାସ୍ତା ନିର୍ମିତ ହୋଇଛି । ଯାହାକି ରାଧାଦାମୋଦରପୁର ଗାଁରୁ ରାଧାକିଶୋରପୁରକୁ ସଂଯୋଗ କରୁଛି । ଏହି ରାସ୍ତା ହେବା ଫଳରେ ବିପଦ ସଂକୂଳ ଅବସ୍ଥାରେ ଜୀବନକୁ ବାଜି ଲଗାଇ ରେଳଗାଡି ତଳେ ପାର ହୋଇ ବହି ବସ୍ତାନି ଧରି ରାଧାଦାମୋଦରପୁର ର ୫୦ରୁ ଅଧିକ ବିଦ୍ୟାର୍ଥୀ ଦୈନିକ ରାଧାକିଶୋରପୁର ଜମ୍ବେଶ୍ୱର ପୀଠକୁ ଅଧ୍ୟୟନ ପାଇଁ ଆସନ୍ତି । ହେଲେ ରେଳବାଇ ବିଭାଗ ସ୍ଥାନୀୟ ଜନସାଧାରଣଙ୍କ ହୀତ ଦୃଷ୍ଟିରୁ ଗଳାପୋଲ କରିବା ଦ୍ୱାରା କୁମାରପୁର,ଛଅଗାଁ, ଗୋବରା, ଗୁରୁଡିଝାଟିଆ ଓ ରାଧାକିଶୋରପୁର ଆଦି ପଞ୍ଚାୟତର ଜନସାଧାରଣ ଆଠଗଡରୁ ଏହି ରାସ୍ତା ଦେଇ ଯାତାୟାତ କରିଥାନ୍ତି। ହେଲେ ଦୀର୍ଘଦିନ ଧରି ଗଳାପୋଲରେ ସଂଯୋଗ ହୋଇଥିବା ବିଦ୍ୟୁତ ବଲ ଅଚଳ ହୋଇପଡିଛି । ଯାହାଫଳରେ କି ଦିନରେ ତ ଦୁର୍ଘଟଣା ଘଟୁଛି ଅନ୍ଧାର ପାଇଁ । ରାତିରେ ତ ଅବସ୍ଥା ଆହୁରି ବିପଦଜନକ। ତେଣୁ ରେଳବାଇ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟିଦେବା ପାଇଁ ଅଞ୍ଚଳବାସୀ ଦାବି କରିଛନ୍ତି।
Comments are closed.