କଲ୍ୟାଣସିଂହପୁର: ଓଡ଼ିଶା ସରକାର ମିଶନ ଶକ୍ତି ବିଭାଗ ଓ ଓଡିଶା ଜୀବିକା ମିଶନ ଦ୍ୱାରା ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସେରିଗୁମା ପଞ୍ଚାୟତ କାର୍ଯ୍ୟାଳୟରେ ଗ୍ରାମପଞ୍ଚାୟତ ସ୍ତରୀୟ ସଂଘ ସହାୟତାରେ ଶଙ୍କର ପ୍ରଜାତୀର ଗ୍ରାମପଞ୍ଚାୟତ ସ୍ତରୀୟ ସଂଘ ବଣ୍ଟନ କରାଯାଇଛି। ଉକ୍ତ ପଞ୍ଚାୟତର ୨୦ଟି ମହିଳା ସ୍ୱୟଂ ସହାୟକ ଗୋଷ୍ଠୀର ୨୦ଜଣ ମହିଳାଙ୍କୁ ଶଙ୍କର ପ୍ରଜାତୀର ବୋଦା ବଣ୍ଟନ କରାଯାଇଛି। ଏହାର ମୁଖ୍ୟ ଉଦ୍ଦେଶ୍ୟ ଗୋଟିଏ ବ୍ଲକର ବୋଦାକୁ ଅନ୍ୟ ବ୍ଲକକୁ ସ୍ଥାନାନ୍ତର କରିବା ଦ୍ୱାରା ରୋଗ କମିବ, ଉନ୍ନତ ଧରଣର ବୋଦା ଛୁଆ ଜନ୍ମ ହେବ। ଯାହା ଦ୍ୱାରା ବୋଦା ଚାଷକରି ଜୀବିକା ନିର୍ବାହ କରୁଥିବା ମହିଳା ମାନେ ଅଧିକ ଦୁଇ ପଇସା ରୋଜଗାର କରି ସ୍ୱାବଲମ୍ବୀ ହୋଇପାରିବେ। ସମସ୍ତ ବୋଦାର ଜୀବନ ବୀମା କରାଯାଇଛି ଓ ଓଜନ ବଢ଼ାଇବା ପାଇଁ ଭିଟାମିନ ଔଷଧ ପ୍ରଦାନ କରାଯାଇଛି। କାର୍ଯ୍ୟକ୍ରମରେ ବିଡ଼ିଓ ସୁନିଲ ଖରା, ସହକାରୀ ଯନ୍ତ୍ରୀ ସବ୍ୟସାଚୀ ନାୟକ, ବ୍ଲକ ପଶୁ ଚିକିତ୍ସକ ଚିନ୍ମୟ ସାହୁ, ଓଡ଼ିଶା ମିଶନ ଶକ୍ତିର ବ୍ଲକ ପ୍ରୋଜେକ୍ଟ ସଂଯୋଜିକା ପ୍ରିୟଙ୍କା ପ୍ରିୟଦର୍ଶନୀ ନିମୁଲିଆ, ବିପିଏମ ଓଲିୟମ କଳ୍ପତରୁ ବେହେରା, ମହାସଙ୍ଗର ସମସ୍ତ କର୍ମୀ, ବ୍ଲକସ୍ତରୀୟ କର୍ମୀ ଓ କୃଷିମିତ୍ର ପ୍ରାଣୀ ମିତ୍ର ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article