ରେଙ୍ଗାଲିକ୍ୟାମ୍ପ : ଅତାବିରା ନୋଡାଲ ଉଚ୍ଚ ବିଦ୍ୟାଳୟରେ ଶନିବାର ଜିଲ୍ଲା ଶିକ୍ଷା ବିଭାଗ ପକ୍ଷରୁ ଅତାବିରା ଓ ଭେଡେନ ବ୍ଲକର କନିଷ୍ଠ ରେଡକ୍ରସ କାଉନସିଲର ମାନଙ୍କୁ ନେଇ ପ୍ରାଥମିକ ଚିକିତ୍ସା ଉପରେ ଏକଦିବସୀୟ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଅତାବିରା ଅତିରିକ୍ତ ବ୍ଲକ ଶିକ୍ଷା ଅଧିକାରୀ ତପନ କୁମାର ଦାଶଙ୍କ ଅଧ୍ୟକ୍ଷତାରେ ତଥା ଅତାବିରା ବ୍ଲକ ଖେଳ ସମ୍ପାଦକ, ସ୍କାଉଟ ମାଷ୍ଟର ତଥା କନିଷ୍ଠ ରେଡକ୍ରସ୍ କାଉନସିଲର ଲବ ସାହୁଙ୍କ ସଂଯୋଜନାରେ ଆୟୋଜିତ ଏହି ତାଲିମ କାର୍ଯ୍ୟକ୍ରମରେ ଭେଡେନ ବ୍ଲକ ଶିକ୍ଷା ଅଧିକାରୀ ମଛିନ୍ଦ୍ର ମଲ୍ଲିକ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ଜିଲ୍ଲା କନିଷ୍ଠ ରେଡକ୍ରସ୍ ସଂଯୋଜକ ମହେନ୍ଦ୍ର ଆଚାର୍ଯ୍ୟ, ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ମନୋଜ ହରପାଳ ପ୍ରମୁଖ ମଞ୍ଚାସୀନ ଥିଲେ। ହେମନ୍ତ କୁମାର ସାମଲ ତାଲିମଦାତା ରୂପେ ତାଲିମ ଦେଇଥିଲେ। ରେଡକ୍ରସର ପ୍ରତିଷ୍ଠାତା ହେନେରି ଡୁନାଣ୍ଟଙ୍କ ଫଟୋଚିତ୍ରରେ ପ୍ରଥମେ ନିମନ୍ତ୍ରିତ ଅତିଥି ମାନେ ଶ୍ରଦ୍ଧା ସୁମନ ଅର୍ପଣ କରିବା ପରେ ପ୍ରଦୀପ ପ୍ରଜ୍ବଳନ କରିଥିଲେ। ପରେ ସମବେତ ଭାବରେ ରେଡକ୍ରସର ଆବହନୀ ସଙ୍ଗୀତ ଗାନ କରାଯାଇଥିଲା। ମଞ୍ଚାସୀନ ଅତିଥି ମାନେ କନିଷ୍ଠ୍ଠ ରେଡକ୍ରସର ଉଦ୍ଦେଶ୍ୟ ତଥା ହେନେରୀ ଡୁନାଣ୍ଟଙ୍କ ଅବଦାନ ଉପରେ ମାର୍ଗଦର୍ଶନ କରିଥିଲେ। ଏହି ତାଲିମ ଶିବିରରେ ଅତାବିରା ବ୍ଲକର ୨୫ ଜଣ କାଉନସିଲର ଓ ଭେଡେନ ବ୍ଲକର ୨୭ ଜଣ କାଉନସିଲର ତାଲିମ ନେଇଥିଲେ।
Popular Categories
Previous article
Next article