ଆନ୍ନାକାପାଲି(ଆନ୍ଧ୍ରପ୍ରଦେଶ): ଭୋଟର୍ଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିବାରେ ବିଫଳ ହୋଇଥିବା ଜଣେ କାଉଁସିଲର ନିଜ ଗାଲକୁ ଚପଲରେ ମାରିବା ଭିଡିଓ ଚର୍ଚ୍ଚାର ବିଷୟ ପାଲଟିଛି। ଆନ୍ଧ୍ରପ୍ରଦେଶର ଆନ୍ନାକାପାଲି ଜିଲା ଅନ୍ତର୍ଗତ ନର୍ସିପଟନମ୍ ମ୍ୟୁନିସିପାଲିଟିର ୨୦ ନମ୍ବର ୱାର୍ଡ କାଉଁସିଲର ଭାବେ ନିର୍ବାଚିତ ହୋଇଥିଲେ ମୁଲାପାର୍ଥି ରାମରାଜୁ। ତେବେ ତାଙ୍କ ୱାର୍ଡରେ କୌଣସି କାମ ହେଉନଥିବାରୁ ସୋମବାର ଆୟୋଜିତ କାଉଁସିଲ୍ ବୈଠକରେ ନିଜ ଗାଲକୁ ଚପଲରେ ମାଡ଼ ମାରିଥିଲେ। ଏ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ରାମରାଜୁ କହିଥିଲେ ସେ ଗତ ୩୧ମାସ ଧରି କାଉଁସିଲର ଭାବେ ଦାୟିତ୍ବ ନିର୍ବାହ କରି ଆସୁଛନ୍ତି। ତେବେ ନିଜ ୱାର୍ଡରେ ଲୋକଙ୍କୁ ପାନୀୟ ଜଳ, ଭଲ ରାସ୍ତା ଆଦି ମୌଳିକ ସୁବିଧା ଯୋଗାଇବାରେ ବିଫଳ ହୋଇଛନ୍ତି। ଲୋକଙ୍କୁ ମୌଳିକ ସୁବିଧା ଯୋଗାଇବାକୁ ସେ ବହୁ ଉଦ୍ୟମ କରିଥିଲେ ମଧ୍ୟ କେତେକ ଅଧିକାରୀ ତାଙ୍କୁ କାମ କରାଇ ଦେଉ ନାହାନ୍ତି। ନିର୍ବାଚନ ସମୟରେ ଲୋକଙ୍କୁ ଦେଇଥିବା ପ୍ରତିଶ୍ରୁତି ପାଳନ କରିପାରୁନଥିବାରୁ ନିଜ ଗାଲକୁ ଚପଲରେ ପିଟିଛନ୍ତି। ଜଣେ ଅଟୋ ଚାଳକ ଭାବେ ଜୀବିକା ନିର୍ବାହ କରୁଥିବା ରାମରାଜୁ ସ୍ବାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ିଥିଲେ। ତେବେ ଟିଡିପି ତରଫରୁ ତାଙ୍କୁ ସମର୍ଥନ ମିଳିବାରୁ ସେ ନିର୍ବାଚନରେ ବିଜୟୀ ହୋଇଥିଲେ।
Popular Categories
Previous article
Next article