ଫୁଲବାଣୀ : ଶୁକ୍ରବାର ଠାରୁ ଶହୀଦ ସପ୍ତାହ ପାଳନ ପାଇଁ ଡାକରା ଦେଇଛନ୍ତି ମାଓବାଦୀ । ଏହାକୁ ନେଇ ପୁଲିସ ପ୍ରଶାସନ ସଜାଗ ରହିଥିବା ବେଳେ ଗୁରୁବାର ଫିରିଙ୍ଗିଆ ବ୍ଳକ ଗୋଛାପଡା ଥାନା ଅଂଚଳରେ ମାଓବାଦୀ ମାନେ ବ୍ୟାନର ଲଗାଇ ନିଜର ଉପସ୍ଥିତି ଜାହିର କରିଛନ୍ତି। ଗୋଛାପଡା ଥାନାର ମାଓ ଅଧ୍ୟୁଷିତ ଅଞ୍ଚଳ କୁହାଯାଉଥିବା ଗୋଛାପଡା ପଂଚାୟତର ଡେରାକୁମ୍ପା ଗାଁ ନିକଟରେ ଥିବା ଏକ ଡ୍ରାଗନ ଫ୍ରୁଟ ବଗିଚା ନିକଟରେ ମାଓ ବ୍ୟାନର ଲାଗିଥିବା ଦେଖିବାକୁ ମିଳିଛି । ସେହିଭଳି କୋଏରମାଣ୍ଡୁ, ପାହିରାଜୁ, ଓ ବାଲନ୍ଦାପଡା ଅଂଚଳର ବିଭିନ୍ନ ଜାଗାରେ ମଧ୍ୟ ମାଓ ବ୍ୟାନର ଲାଗିଥିବା ଖବର ମିଳିଛି । ବ୍ୟାନରରେ ଜୁଲାଇ ୨୮ ତାରିଖ ଠାରୁ ଅଗଷ୍ଟ ୩ ତାରିଖ ପର୍ଯ୍ୟନ୍ତ ସହିଦ ସପ୍ତାହ ପାଳନ କରିବା ପାଇଁ ଆହ୍ବାନ ଦେଇଛି ଲାଲବାହିନୀ । ସିପିଆଇ ମାଓବାଦୀ ସଂଗଠନ ତରଫରୁ ଏହି ବ୍ୟାନର ଲଗା ଯାଇଥିବା ଉଲ୍ଲେଖ ରହିଛି। ଏହି ମାଓ ବ୍ୟାନର ଦେଖିବା ପରେ ସ୍ଥାନୀୟ ଲୋକ ମାନଙ୍କ ମଧ୍ୟରେ ଭୟର ବାତାବରଣ ଦେଖିବାକୁ ମିଳିଛି। ସୂଚନାଯୋଗ୍ୟ, ପୂର୍ବରୁ ଏହି ଅଞ୍ଚଳରେ ମାଓବାଦୀ ଓ ସୁରକ୍ଷା ବାହିନୀ ଅନେକ ଥର ମୁହାଁମୁହିଁ ହୋଇଥିବା ବେଳେ କିଛି ଦିନ ତଳେ ଜଣେ ପୂର୍ବତନ ସରପଞ୍ଚଙ୍କୁ ମାଓବାଦୀ ମାନେ ଗୁଳିକରି ଥିଲେ ।
Popular Categories
Previous article
Next article