କଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସୁରକ୍ଷାରେ ବଡ଼ ତ୍ରୁଟି ନେଇ ଖବର ସାମ୍ନାକୁ ଆସିଛି। ପଶ୍ଚିମବଙ୍ଗ ପୁଲିସ ମୁଖ୍ୟମନ୍ତ୍ରୀଙ୍କ ବାସଭବନରେ ପ୍ରବେଶ କରିବାକୁ ଚେଷ୍ଟା କରୁଥିବା ଜଣେ ବ୍ୟକ୍ତିକୁ କାବୁ କରିଛି। ଅଭିଯୁକ୍ତ ନିକଟରୁ ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଛି। ଅଭିଯୁକ୍ତ ଜଣକ ପୁଲିସ ଷ୍ଟିକର ଲାଗିଥିବା ଗାଡ଼ିରେ ଯାତ୍ରା କରୁଥିଲା। ଏବେ ପୁଲିସ ଅଭିଯୁକ୍ତକୁ ପଚରାଉଚରା କରୁଛି।
କୋଲକାତା ପୁଲିସ କମିଶନର ଭିନୀତ ଗୋୟଲ କହିଛନ୍ତି, ଶେଖ ନୁର୍ ଆଲମ ନାମକ ଜଣେ ବ୍ୟକ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବାସଭବନରେ ପ୍ରବେଶ କରିବାକୁ ଚେଷ୍ଟା କରୁଥିବା ବେଳେ କଲକାତା ପୁଲିସ ତାକୁ ଅଟକାଇଥିଲା। ତଲାସି ନେବାରୁ ତା’ ନିକଟରୁ ଅସ୍ତ୍ରଶସ୍ତ୍ର ଓ ନିଷେଧ ପଦାର୍ଥ ବ୍ୟତୀତ ଅନେକ ଆଇଡି କାର୍ଡ ଜବତ ହୋଇଥିଲା। କମିଶନର୍ ଆହୁରି କହିଛନ୍ତି ଯେ, ଅଭିଯୁକ୍ତ ଜଣକ ପୁଲିସ ଷ୍ଟିକର ଲାଗିଥିବା ଗାଡ଼ିରେ ଯାତ୍ରା କରୁଥିଲା। ଘଟଣାକୁ ଗମ୍ଭୀରତାର ସହ ନେଇ ପୁଲିସ, ଏସଟିଏଫ, ସ୍ୱତନ୍ତ୍ର ଅନୁସନ୍ଧାନ ଶାଖା ଅଭିଯୁକ୍ତକୁ ପଚରାଉଚରା କରୁଛନ୍ତି ଏବଂ ତଦନ୍ତ ଜାରି ରଖିଛନ୍ତି।
