କଲମପୁର: କଲମପୁର କୋଟାଗାଁ ମୁଖ୍ୟ ରାସ୍ତାର ବେହେରା ନାଲା ନିକଟରେ ଘଟିଥିଲା ବାଇକ ଦୁର୍ଘଟଣା। ଏଥିରେ ଗୁରୁତର ହେଇଥିବା ବାଗପଡ଼ା ଗ୍ରାମର ଭରତ ଶବରଙ୍କ ବୁର୍ଲା ଠାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି। ଶବ ବ୍ୟବଚ୍ଛେଦ ପରେ ଗୁରୁବାର ସଂଧ୍ୟାରେ ବାଗପଡ଼ାକୁ ଶବ ପହଂଚିଛି। ଶୋକାକୁଳ ପରିବେଶ ମଧ୍ୟରେ ଶ୍ମଶାନ ରେତାର ଦାହ ସଂସ୍କାର କରାଯାଇଛି।
ସୁଚନା ଅନୁସାରେ ବୁଧବାର ଦିନ ରାତି ପ୍ରାୟ ୮ଟା ବେଳେ କଲମପୁର ଠାରେ ବାହୁଡା ଯାତ୍ରା ଦେଖି ରଣମାଲ ଖଲିଆଭଟା ଗ୍ରାମରେ ଥିବା ମାମୁଁ ଘରକୁ ଯାଉଥିବା ବେଳେ କଲମପୁର କୋଟାଗାଁ ମୁଖ୍ୟ ରାସ୍ତାର ବେହେରାନାଲା ନିକଟରେ ବାଇକରୁ ପଡ଼ି ବାଗପଡ଼ା ଗ୍ରାମର ଭରତ ଶବର ନାମକ ଯୁବକ ଗୁରୁତର ହେଇ ପଡ଼ିଥିଲେ। ତାଙ୍କୁ ସାଥିରେ ଥିବା ଯୁବକ ମାନେ ଉଦ୍ଧାର କରି କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ। ମୁଣ୍ଡରେ ଆଘତ ଯୋଗୁଁ ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରବର୍ତି ସମୟରେ ବୁର୍ଲା ସ୍ତାନାନ୍ତରିତ କରାଯାଇଥିଲା। ବୁର୍ଲା ଠାରେ ଚିକିତ୍ସାଧିନ ଅବସ୍ତାରେ ଭରତଙ୍କ ମୃତ୍ୟୁ ଘଟିଥିଲା। ସେଠାରେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତରିତ କରାଯାଇଥିଲା। ଗୁରୁବାର ସଂଧ୍ୟାରେ ବାଗପଡ଼ା ଠାରେ ଶବ ପହଂଚିବା ପରେ ଶୋକାକୁଳ ପରିବେଶରେ ଦାହ ସଂସ୍କାର କରାଯାଇଛି।
