ନୂଆଦିଲ୍ଲୀ : ଶୁଣିବାକୁ ଆଶ୍ଚର୍ଯ୍ୟ ଲାଗିଲେ ମଧ୍ୟ ସତ । ପ୍ରଥମଥର ପାଇଁ ବିଶ୍ବକପ୍ ଟ୍ରଫି ମହାକାଶ ଭ୍ରମଣ କରିଛି। ଭାରତରେ ଆସନ୍ତା ଅକ୍ଟୋବର-ନଭେମ୍ବରରେ ଦିନିକିଆ ବିଶ୍ବକପ୍ ଖେଳାଯିବ। ଏଥିନିମନ୍ତେ ବିଶ୍ବକପ୍ ଟ୍ରଫି ମଙ୍ଗଳବାର ଭାରତରୁ ବାହାରି ବିଶ୍ବର ବିଭିନ୍ନ ଦେଶ ଗସ୍ତ କରିବ। ଇତିମଧ୍ୟରେ ବିଶ୍ବକପ୍ ଟ୍ରଫିକୁ ଏକ ମହାକାଶ ଯାନ ଯୋଗେ ମହାକାଶକୁ ପଠା ଯାଇଥିଲା। ଭୂପୃଷ୍ଠରୁ ୧ ଲକ୍ଷ ୨୦ ହଜାର ପୁଟ୍ ଉପରେ ଥିବା ଷ୍ଟ୍ରାଟୋସ୍ପିୟରରୁ ଏକ ବେଲୁନ୍ରେ ବନ୍ଧା ଯାଇ ବିଶ୍ବକପ୍ ଟ୍ରଫିକୁ ଭୂପୃଷ୍ଠ ଆଡକୁ ଛଡ଼ା ଯାଇଥିଲା। ବେଲୁନ୍ ସହ ସଂଯୋଗ ହୋଇଥିବା ବିଶ୍ବକପ୍ ଟ୍ରଫି ଅହମ୍ମଦାବାଦର ନରେନ୍ଦ୍ର ମୋଦୀ କ୍ରିକେଟ୍ ଷ୍ଟାଡିୟମରେ ଅବତରଣ କରିଥିଲା। ମଙ୍ଗଳବାରରୁ ବିଶ୍ବକପ୍ ଟ୍ରଫି ଭାରତର ବିଭିନ୍ନ ସହର ପରିକ୍ରମା କରି ବିଶ୍ବ ଭ୍ରମଣରେ ବାହାରିବ। ଏହାପରେ ବିଶ୍ବକପ୍ ବିଭିନ୍ନ ଦେଶ ପରିକ୍ରମା କରି ସେପ୍ଟେମ୍ବର ୪ରେ ଭାରତ ଫେରିବ ବୋଲି ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ତରଫରୁ ଗଣମାଧ୍ୟମକୁ ସୂଚନା ଦିଆଯାଇଛି । ବିଶ୍ବକପ୍ ଟ୍ରଫି ଭ୍ରମଣ ସମୟରେ ପ୍ରଶଂସକମାନେ ଏହାକୁ ନିକଟରୁ ଦେଖିବାର ସୁଯୋଗ ପାଇବେ। ବିଶ୍ବକପ୍ କ୍ରିକେଟ୍କୁ ଲୋକପ୍ରିୟ କରିବା ନିମନ୍ତେ ଆଇସିସି ତରଫରୁ ଏପରି ଯୋଜନା କରାଯାଇଛି।
Comments are closed.