ଡେସ୍କ: ଆସାମରେ ସୃଷ୍ଟ ବନ୍ୟା ବିପର୍ଯ୍ୟୟରେ ୫ ଲକ୍ଷରୁ ଅଧିକ ଲୋକ କ୍ଷତିଗ୍ରସ୍ତ ହୋଇଛନ୍ତି। ଏଥିରେ ୬୩ ହଜାର ଶିଶୁ ରହିଥିବା ସୂଚନା ମିଳିଛି। ଗତ ୨୪ ଘଣ୍ଟା ଭିତରେ ୨ ଜଣ ଲୋକଙ୍କର ପ୍ରାଣହାନୀ ଘଟିଛି। ୮୩ଟି ରିଲିଫ୍ ଶିବିରରେ ୧୪ ହଜାରରୁ ଅଧିକ ଲୋକ ଆଶ୍ରୟ ନେଇଛନ୍ତି।
ଆସାମର ଅଧିକାଂଶ ନଦୀ ଏବେ ମଧ୍ୟ ବିପଦ ସଂକେତ ଉପରେ ପ୍ରବାହିତ ହେଉଛି। ବ୍ରହ୍ମପୁତ୍ର ନଦୀର ଜଳସ୍ତର ଧୁବ୍ରୀ ଓ ନେମୀ ଘାଟ ଠାରେ ବିପଦ ସଂକେତ ଉପରେ ପ୍ରବାହିତ ହେଉଛି। ଏନଡିଆରଏଫ, ଏସଡିଆରଏଫ ଓ ସୀମା ସୁରକ୍ଷା ବଳ ସହାୟତାରେ ଉଦ୍ଧାର କାର୍ଯ୍ୟ କରାଯାଉଛି। ବନ୍ୟା ଜଳ ମାଡ଼ିଯିବା ଯୋଗୁଁ ଅନେକ ବାସଗୃହ, ସଡ଼କ ଓ ନଦୀବନ୍ଧ କ୍ଷତିଗ୍ରସ୍ତ ହୋଇଛି। ଚାଷ ଜମିରେ ପାଣି ମାଡ଼ି ଯାଇଥିବାରୁ ବ୍ୟାପକ ଫସଲ ନଷ୍ଟ ହୋଇଛି।
