ଭବାନୀପାଟଣା: କଳାହାଣ୍ଡି ଜିଲା ଭବାନୀପାଟଣା ସଦର ଥାନା ଅନ୍ତର୍ଗତ ଦେପୁର ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବାବେଳେ ୨ ଜଣ ଗୁରୁତର ଆହତ ହୋଇଛନ୍ତି।
ସୂଚନା ଅନୁସାରେ ବିଶ୍ୱନାଥପୁର ସ୍ଥିତ ମନୋହର ହରପାଳଙ୍କ ପୁଅ ତକଦିର ହରପାଳ ଏକ ବାଇକରେ କୋଣସି କାମରେ ଭବାନୀପାଟଣା ଆସୁଥିବାବେଳେ ଭାରସାମ୍ୟ ହରାଇ ଟ୍ରକ ଚକ ତଳେ ପଡି ଯାଇଥିଲେ ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି। ସେଭଳି ଆଉ ଗୋଟିଏ ଗାଡ଼ିରେ ଆସୁଥିବା ଦୁଇଜଣ ମଧ୍ୟ୍ୟ ଏହି ଦୁର୍ଘଟଣାକୁ ଦେଖିବା ପରେ ନିଜକୁ ଭାରାସାମ୍ୟ ହରାଇ ରାସ୍ତାରେ ପଡିଯାଇ ଗୁରୁତର ହୋଇଥିବା ଜଣା ପଡିଛି।
- Advertisement -
ଖବର ପାଇ ଭବାନୀପାଟଣା ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତକଦିର ହରପାଲଙ୍କ ମୃତଦେହ ଜବତ କରି ଭବାନୀପାଟଣା ଜିଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଛି। ଏହାସହିତ ଆହତମାନଙ୍କୁ ଆଣି ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ପୁଲିସ ଟ୍ରକକୁ ଜବତ କରି ଏକ ମାମଲା ରୁଜୁ କରିବା ସହିତ ତଦନ୍ତ କରୁଥିବା ସୂଚନା ମିଳିଛି।
