ତିଗିରିଆ : ଷ୍ଟାର ଇଲେଭେନ ଆନୁକୁଲ୍ୟରେ ପ୍ରଥମ ରବି ମିଶ୍ର ମେମୋରିଆଲ ଏକ ଦିବସୀୟ ଦିବାରାତ୍ର ଟେନିସ ବଲ କ୍ରିକେଟ ଟୁର୍ଣ୍ଣାମେଣ୍ଟ ନିଜିଗଡ଼ ସ୍ଥିତ ଗାନ୍ଧୀସ୍ମୃତି ପଡିଆରେ ରବିବାର ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ଜଟଣୀ ବିଧାୟକ ସୁରେଶ କୁମାର ରାଉତରାୟ ଯୋଗଦେଇ ଏହି ଟୁର୍ଣ୍ଣାମେଣ୍ଟକୁ ଅନୁଷ୍ଠାନିକ ଭାବେ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବେ ପୂର୍ବତନ ରାଜ୍ୟସଭା ସାଂସଦ ସୁଭାଷ ମହାନ୍ତି ଯୋଗଦେଇଥିଲେ। ସ୍ଵତନ୍ତ୍ର ଅତିଥିଭାବେ ତିଗିରିଆର ବର୍ତ୍ତମାନର ରାଜା ଶ୍ରୀ ଶ୍ରୀ ବୀରପ୍ରତାପ କ୍ଷତ୍ରିୟ ବୀରବର ଚମୁପତି ସିଂହ ମହାପାତ୍ର ଯୋଗଦେଇ ବିଜେତା ଓ ଉପବିଜେତା ଦଳଗୁଡ଼ିକୁ ପୁରସ୍କାର ବଣ୍ଟନ କରିଥିଲେ। ଟୁର୍ଣ୍ଣାମେଣ୍ଟରେ ୮ଟି ଦଳ ଭାଗ ନେଇଥିଲେ। ଫାଇନାଲ ମ୍ୟାଚରେ ଆୟୋଜକ ଷ୍ଟାର ଇଲେଭେନ ଓ କଟକ ପରସ୍ପରକୁ ଭେଟିଥିଲେ। ବର୍ଷା ବାଧାପ୍ରାପ୍ତ ଫାଇନାଲ ମ୍ୟାଚରେ କଟକ ଦଳ ଟସରେ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨ ଓଭରରେ ୩୬ ରନ ସଂଗ୍ରହ କରିଥିଲା ବେଳେ ଆୟୋଜକ ଦଳ ୨ ଓଭର ଖେଳି ୨୩ ରନ୍ କରିବାରେ ସମର୍ଥ ହୋଇଥିଲା। ଫଳରେ କଟକ ଦଳ ୧୩ ରନରେ ବିଜୟ ଲାଭ କରି ପ୍ରଥମ ରବି ମିଶ୍ର ମେମୋରିଆଲ ଟ୍ରଫି ହାସଲ କରିଥିଲା।
Comments are closed.