ପାପୁଆ ନିୟୁ ଗିନି ଓ ଫିଜିର ସର୍ବୋଚ୍ଚ ସମ୍ମାନରେ ସମ୍ମାନିତ ହେଲେ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଫିଜିର ସର୍ବୋଚ୍ଚ ସମ୍ମାନରେ ସମ୍ମାନିତ କରାଯାଇଛି। ଫିଜି ଦେଶର ପ୍ରଧାନମନ୍ତ୍ରୀ ସିତ୍ବାନୀ ରାବୁକାଙ୍କ ଦ୍ବାରା ମୋଦୀଙ୍କୁ ଫିଜିର ସର୍ବୋଚ୍ଚ ସମ୍ମାନ ‘କମ୍ପାନିୟନ ଅଫ୍‌ ଦି ଅର୍ଡର ଅଫ୍‌ ଫିଜି’ରେ ସମ୍ମାନିତ କରାଯାଇଛି। ଏଠାରେ ଉଲ୍ଲେଖଯୋଗ୍ୟ ଯେ, ଆଜି ପର୍ଯ୍ୟନ୍ତ କେବଳ ଅଳ୍ପ କେତେକ ଅଣ ଫିଜି ଲୋକ ଏହି ସମ୍ମାନ ପାଇଛନ୍ତି। ତେଣୁ ଭାରତ ପାଇଁ ଏହି ସମ୍ମାନର ଭିନ୍ନ ମହତ୍ତ୍ୱ ରହିଛି। ଏଥିସହ ରିପବ୍ଲିକ୍ ଅଫ୍‌ ପଲାଉ ପକ୍ଷରୁ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମ୍ମାନିତ କରାଯାଇଛି।

President Surangel Whipps, Jr. of Palau presented PM @narendramodi with an Ebakl. It is one of the most important tools for the people of Palau and has a strong link with the local culture. It also symbolises leadership and wisdom. pic.twitter.com/2jo3RcLLM0

— PMO India (@PMOIndia) May 22, 2023

ରିପବ୍ଲିକ୍ ଅଫ୍‌ ପଲାଉ ମୋଦୀଙ୍କୁ ‘ଏବାକ୍ଲ ଆୱାର୍ଡ଼(Ebakl Award)’ରେ ସମ୍ମାନିତ କରିଛି। ପ୍ରଧାନମନ୍ତ୍ରୀ ମୋଦୀଙ୍କୁ ଏହି ଦୁଇ ପୁରସ୍କାର ପାପୁଆ ନିୟୁ ଗିନିରେ ପ୍ରଦାନ କରାଯାଇଛି। ପିଏମଓ ଇଣ୍ଡିଆ ପକ୍ଷରୁ ଟ୍ବିଟରରେ ଏକ ପୋଷ୍ଟ ଶେୟାର କରାଯାଇଛି। ଏଥିରେ ଲେଖାହୋଇଛି, ପଲାଉ ରାଷ୍ଟ୍ରପତି ସୁରଙ୍ଗେଲ ହ୍ବିପ୍ସ ଜୁନିୟର ପ୍ରଧାନମନ୍ତ୍ରୀଙ୍କୁ ‘ଏବାକ୍ଲ’ ସମ୍ମାନ ପ୍ରଦାନ କରିଛନ୍ତି। ଏହା ପଲାଉ ଲୋକଙ୍କ ପାଇଁ ସବୁଠାରୁ ଗୁରୁତ୍ବପୂର୍ଣ୍ଣ ଉପକରଣ ମଧ୍ୟରୁ ଗୋଟିଏ ଏବଂ ଏହାର ସ୍ଥାନୀୟ ସଂସ୍କୃତି ସହ ଗଭୀର ସମ୍ପର୍କ ରହିଛି, ଯାହାକି ନେତୃତ୍ବ ଓ ଜ୍ଞାନ ମଧ୍ୟ ପ୍ରତୀକ।

Papua New Guinea has conferred the Companion of the Order of Logohu on PM @narendramodi. It was presented to him by Papua New Guinea Governor General Sir Bob Dadae. pic.twitter.com/0Xki0ibW8D

— PMO India (@PMOIndia) May 22, 2023

ପାପୁଆ ନିୟୁ ଗିନି ପକ୍ଷରୁ ମଧ୍ୟ ପିଏମ ମୋଦୀଙ୍କୁ ଦେଶର ସର୍ବୋଚ୍ଚ ପୁରସ୍କାର ‘କମ୍ପାନିୟନ ଅଫ୍‌ ଦି ଅର୍ଡର ଅଫ୍‌ ଲୋଗୋହୁ’ରେ ସମ୍ମାନିତ କରାଯାଇଛି। ପାପୁଆ ନିୟୁ ଗିନି ପକ୍ଷରୁ ଏହି ପୁରସ୍କାର ଖୁବ୍‌ କମ୍‌ ଲୋକଙ୍କୁ ପ୍ରଦାନ କରାଯାଇଛି।