ପାତ୍ରପୁର : ପାତ୍ରପୁର ବ୍ଳକ ବୁରାତାଲ ପଂଚାୟତ ବାତର ସାହି ଗ୍ରାମର ଜଣେ ଆଦିବାସୀ ଯୁବକଙ୍କ ଆନ୍ଧ୍ରପ୍ରଦେଶର ଏକ ଚିଙ୍ଗୁଡି କାରଖାନାରେ ମୃତ୍ୟୁ ଘଟିଛି । ମୃତ ଶ୍ରମିକ ଜଣକ ବାତରା ସାହି ଗ୍ରାମର କାମରାଜୁ ବଡ଼ ରଇତଙ୍କ ପୁଅ ଋଷିଆ ବଡ଼ ରଇତ (୧୮) ବୋଲି ଜଣା ପଡିଛି । ଋଷିଆଙ୍କ ବାପାଙ୍କର ବର୍ଷ ପୂର୍ବେ ମୃତ୍ୟୁ ହୋଇଥିଲା ଯାହା ଫଳରେ ଦୁଇ ମାସ ତଳେ ସେ ଗ୍ରାମରୁ ଯାଇ ଆନ୍ଧ୍ରର କାକିନାଡ଼ା ଠାରେ ଥିବା ଚିଙ୍ଗୁଡି କାରଖାନାରେ ଶ୍ରମିକ ଭାବେ କାର୍ଯ୍ୟ କରୁଥିଲେ । କୌଣସି କାରଣରୁ ସେ ବିଦ୍ୟୁତ୍ ସଂସ୍ପର୍ଷରେ ଆସି ଗୁରୁତର ହୋଇ ପଡ଼ିଥିଲେ । ତୁରନ୍ତ ତାଙ୍କୁ ଚିକିତ୍ସା ପାଇଁ ଡାକ୍ତଖାନାକୁ ନିଆଯାଇଥିଲା । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପରିବାର ଲୋକ ଡାକ୍ତର ଖାନରେପହଞ୍ଚିଛନ୍ତି । ବ୍ୟବଚ୍ଛେଦ ପରେ ସୋମବାର ଗ୍ରାମରେ ଶବ ପହଞ୍ଚିବ। ସେ ଜଣେ ଗରିବ ବ୍ୟକ୍ତି ହୋଇ ଥିବାରୁ ସରକାରୀ ସହାୟତା ଯୋଗାଦେବାକୁ ଦାବୀ ହେଉଛି।
Comments are closed.