ତେଲକୋଇ : ରାତି ଅଧରେ ଘର ଭିତରେ ପେଟ୍ରୋଲ ଢାଳି ବୋମା ମାଡ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ତେଲକୋଇ ଥାନା ଅନ୍ତର୍ଗତ କରମଙ୍ଗି ପଞ୍ଚାୟତ ପଡିଆପଶି ଗାଁ ପୁଢେଇଝୁଲ ସାହିରେ। ଗତକାଲି ବିଳମ୍ବିତ ରାତିରେ ସାହିର କିର୍ତନ ନାୟକଙ୍କ ପରିବାର ଖାଇ ପିଇ ଘର ଅଗଣାରେ ଶୋଇଥିବା ବେଳେ ଦୁର୍ଵୃତ୍ତ ମାନେ ଘରର ପଛପଟ ଝରକାରେ ପ୍ରଥମେ ପେଟ୍ରୋଲ ଢାଳିଥିଲେ। ପରେ ଘର ଭିତରକୁ ବୋମା ଫିଙ୍ଗି ଥିଲେ । ଫଳରେ ଘର ଭିତରେ ନିଆଁ ଲାଗି ଯାଇଥିଲା। ବୋମା ଶବ୍ଦ ଶୁଣି ଘର ଲୋକ ଉଠି ପଡି ଥିଲେ ହେଲେ କଣ ହେଉଛି କିଛି ଜାଣି ପାରିନଥିଲେ। ଶବ୍ଦ ଏତେ ଜୋର ଥିଲା ସାହି ଲୋକେ ମଧ୍ୟ ଉଠି କିର୍ତନଙ୍କ ଘରକୁ ଦୌଡ଼ି ଥିଲେ। ସାହି ଲୋକ ଆସିବା ଦେଖି ଦୁର୍ଵୃତ୍ତ ମାନେ ଜଙ୍ଗଲ ଆଡକୁ ଦୌଡ଼ି ପଳାଇଥିଲେ। ଘରର ଝରକା ପଟେ ନିଆଁ ଲାଗୁଥିବା ଦେଖି ସାହି ଲୋକ ଘର ଲୋକଙ୍କୁ ଜଣାଇଥିଲେ। ଏବଂ ନଳକୂପ ରୁ ପାଣି ଆଣି ସାହି ଲୋକ ଓ ପରିବାର ଲୋକ ନିଆଁ କୁ ଆୟତ୍ତ କରି ଥିଲେ। ଘରଭିତରେ ଥିବା ସମସ୍ତ ଆସବାବପତ୍ର ଜଳିପୋଡି ନଷ୍ଟ ହୋଇଯାଇଛି। ଏନେଇ ପରିବାର ପକ୍ଷରୁ ତେଲକୋଇ ଥାନାରେ ଅଭିଯୋଗ ହୋଇଛି। ଘଟଣା ସ୍ଥଳରେ ପହଞ୍ଚି ପୁଲିସ ତଦନ୍ତ ଆରମ୍ଭ କରିଛି।
Comments are closed.