ରେଙ୍ଗାଲିକ୍ୟାମ୍ପ: ଅତାବିରା ବ୍ଳକ ଅନ୍ତର୍ଗତ କୁଳୁଣ୍ଡାରୁ ବାଞ୍ଜିପାଲି ଯାଇଥିବା ରାସ୍ତାରେ ଏକ ବାଇକ ଧକ୍କାରେ ୨ ଜଣ ମହିଳା ଗୁରୁତର ହୋଇଛନ୍ତି। ଗୁରୁତର ହୋଇଥିବା ମହିଳା ମାନେ ହେଲେ ସଂଯୁକ୍ତା ବାଗ (୪୮) ଓ ବିଶାଖା ଗହିର (୫୦)। ଉଭୟ କୁଳୁଣ୍ଡା ଗ୍ରାମର ବୋଲି ଜଣାପଡ଼ିଛି। ଝିଅର ବାହାଘର ପାଇଁ ସେମାନେ କାର୍ଡ ବାଣ୍ଟୁ ଥିବା ବେଳେ ଗୋଟିଏ ବାଇକରେ ଚାରିଜଣ ଚାରିଜଣ ନାବାଳକ ପତ୍ରାପାଲି ଆଡୁ ଅତାବିରାକୁ ଆସୁଥିବା ବେଳେ ମହିଳାଙ୍କୁ ଧକ୍କା ଦେଇଥିଲେ। ଫଳରେ ଉଭୟ ମହିଳା ତଳେ ପଡ଼ିଯାଇ ଗୁରୁତର ହୋଇଥିଲେ। ସ୍ଥାନୀୟ ବାସିନ୍ଦାଙ୍କ ସହାୟତାରେ ଅତାବିରା ଡାକ୍ତରଖାନାକୁ ଆଣି ପ୍ରାଥମିକ ଚିକିତ୍ସା କରି ବୁର୍ଲା ସ୍ଥାନାନ୍ତର କରାଯାଇଛି। ଦୁର୍ଘଟଣା ଘଟାଇଥିବା ବାଇକ ଚାଳକ ଓ ଆରୋହୀମାନଙ୍କୁ ଗ୍ରାମବାସୀ ପୁଲିସକୁ ହସ୍ତାନ୍ତର କରିଛନ୍ତି। ନାବାଳକ ମାନେ ଅତାବିରା ଏନ୍ ଏ ସି ର ୱାର୍ଡ ନଂ ୩ ଭାଲୁପlଲି ର ବୋଲି ଜଣାପଡ଼ିଛି।
Popular Categories
Previous article
Next article