ରେଙ୍ଗାଲିକ୍ୟାମ୍ପ: ଅତାବିରା ଅଞ୍ଚଳରେ କରାମାଡ଼ରେ ଚାଷୀଙ୍କ ଫସଲ ନଷ୍ଟ ହୋଇଥିବା ନେଇ କ୍ଷୟକ୍ଷତିର ଆକଳନ କରି ଚାଷୀଙ୍କୁ କ୍ଷତିପୂରଣ ପ୍ରଦାନ ପାଇଁ ଓଡ଼ିଶା ରାଜ୍ୟ କୃଷକ ସଂଗଠନ ଅତାବିରା ଶାଖା ତଥା ବିଭିନ୍ନ ମହଲରୁ ଜିଲ୍ଲାପାଳଙ୍କୁ ଦାବି କରାଯାଇଥିଲା। ଜଣ ଶୁଣାଣି କାର୍ଯ୍ୟକ୍ରମରେ ମଧ୍ୟ ଦାବିପତ୍ର ପ୍ରଦାନ କରାଯାଇ ଅଭିଯୋଗ କରାଯାଇଥିଲା। ଫଳରେ ଜିଲ୍ଲାପାଳ ତୁରନ୍ତ କ୍ଷୟକ୍ଷତିର ଆକଳନ କରି ରିପୋର୍ଟ ପ୍ରଦାନ କରିବା ପାଇଁ ବିଭାଗୀୟ କର୍ତ୍ତୃପକ୍ଷଙ୍କୁ କଡାକଡି ନିର୍ଦ୍ଦେଶ ଦେଇଥିଲେ। ତେଣୁ ମଙ୍ଗଳବାର ଅତିରିକ୍ତ ତହସିଲଦାର ରଞ୍ଜନ କୁମାର ଦାସ, ଅତାବିରା କୃଷି ଅଧିକାରୀ ଲକ୍ଷ୍ମୀ ପଟେଲ ପହଞ୍ଚିଥିଲେ ରାଜସ୍ବ ନୀରିକ୍ଷକ ଓ ରାଜସ୍ବ କୃଷି ବିଭାଗ କର୍ମଚାରୀଙ୍କ କାମକୁ ତଦାରଖ କରିବା ପାଇଁ। ପରମାନପୁର, ଟୋପ, ଖଲିଆପାଲି, ଦୁଲମପୁର, କୁମେଲସିଂହା, ମହଖଣ୍ଡ, ଗୋଡଭଗା ଓ ଚକୁଳିର ଚାଷୀଙ୍କ ନିକଟକୁ ପହଞ୍ଚି ତାଙ୍କର ଫସଲ ପରିଦର୍ଶନ କରି ଉକ୍ତ ଅଞ୍ଚଳର ଆରଆଇ ଓ ଭିଏଲଡବ୍ଲ୍ୟୁ ମାନେ ପ୍ରକୃତରେ କ୍ଷୟକ୍ଷତିର ଆକଳନ କରୁଛନ୍ତି ନା ନାହିଁ ତଦାରଖ କରିଥିଲେ। ଏହା ବ୍ୟତୀତ ୭ଦିନ ମଧ୍ୟରେ ସଠିକ୍ ରିପୋର୍ଟ ପ୍ରଦାନ କରିବା ପାଇଁ ନିର୍ଦ୍ଦେଶ ଦେଇଥିଲେ।
Popular Categories
Previous article
Next article