କଲକାତା : ରାମନବମୀ ଅବସରରେ ପଶ୍ଚିମବଙ୍ଗ ହାୱଡା ଜିଲାରେ ହୋଇଥିବା ହିଂସାର ଏନଆଇଏ ତଦନ୍ତ ନିର୍ଦେଶ ଦେଇଛନ୍ତି କଲକାତା ହାଇକୋର୍ଟ। କାର୍ଯ୍ୟକାରୀ ମୁଖ୍ୟ ବିଚାରପତି ଟିଏସ୍ ଶିବାଙ୍ଗନମଙ୍କ ନେତୃତ୍ବରେ ଗଠିତ ପୀଠ ଗୁରୁବାର ଏହି ନିର୍ଦେଶ ଦେଇଛନ୍ତି। ହିଂସାର ଏନଆଇଏ ତଦନ୍ତ ଦାବି କରି ବିଜେପି ନେତା ତଥା ବିଧାନସଭାର ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ହାଇକୋର୍ଟରେ ଆବେଦନ କରିଥିଲେ। ଆବେଦନର ବିଚାର କରି ହାଇକୋର୍ଟ ହିଂସାର ତଦନ୍ତ ଭାର ପଶ୍ଚିମବଙ୍ଗ ପୁଲିସଠାରୁ ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ)କୁ ଦେବାକୁ ନିର୍ଦେଶ ଦେଇଛନ୍ତି। ରାଜ୍ୟ ପୁଲିସ ହିଂସା ସମ୍ପର୍କିତ ସମସ୍ତ ସିସିଟିଭି ଫୁଟେଜ ଓ ଅନ୍ୟାନ୍ୟ ରେକର୍ଡକୁ ଏନଆଇଏକୁ ଦେବା ଲାଗି କୁହାଯାଇଛି। ଏପ୍ରିଲ ୧୦ରେ ଏନଆଇଏ ହାଇକୋର୍ଟଙ୍କୁ ଜଣାଇଥିଲେ ଯେ ହିଂସାର ତଦନ୍ତ କରିବା ଦିଗରେ କୌଣସି ସମସ୍ୟା ନାହିଁ।
Popular Categories
Previous article
Next article