ରେଙ୍ଗାଲି: ରେଙ୍ଗାଲି ବ୍ଳକ୍ ର ଲଇଡା ଠାରେ ଥିବା ଗୁରୁକୂଳ ଇଂଲିଶ୍ ମିଡିୟମ ସ୍କୁଲରେ ସମ୍ବଲପୁରର ହୋପ୍ ସ୍କୋପ୍ ଡ୍ରାଇଭିଂ ସ୍କୁଲ ପକ୍ଷରୁ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅୟୋଜିତ ହୋଇଥିଲା। ସ୍କୁଲର ଅଧ୍ୟକ୍ଷ ଭି.ଏମ୍ ମାଥ୍ୟୁସ୍ ଉ– ଅଧ୍ୟକ୍ଷ ରୋଜ ମାଥ୍ୟୁସଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମ ସମ୍ବଲପୁର ଏମ୍.ଭି. ଆଇ ଧର୍ମେନ୍ଦ୍ର କୁମାର ଦେହୁରୀ ଏବଂ ଡ୍ରାଇଭିଂ ଟ୍ରେନିଂ ସ୍କୁଲର ପ୍ରତିଷ୍ଠାତା ମନୋରଞ୍ଜନ ବେହେରାଙ୍କ ଉପସ୍ଥିତିରେ ଡ୍ରାଇଭିଂ ସ୍କୁଲର ତାଲିମଦାତା ମନୋରଞ୍ଜନ ପ୍ରଧାନ ସଡକ ସୁରକ୍ଷା, ଟ୍ରାଫିକ୍ ସିଗନାଲ୍ ସଂକ୍ରାନ୍ତରେ ତାଲିମ ପ୍ରଦାନ କରିଥିଲେ। ସୁଶ୍ରୀ ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ।
ସେହିପରି ରେଙ୍ଗାଲି ବ୍ଳକର ରେଙ୍ଗଲୋଇ ସ୍ଥିତ ଡିଡିଏ ହାଇସ୍କୁଲ ପରିସରରେ ସମ୍ବଲପୁରର ହୋପ୍ ସ୍କୋପ୍ ଡ୍ରାଇଭିଂ ସ୍କୁଲ ପକ୍ଷରୁ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
