ରେଙ୍ଗାଲି: ସମ୍ବଲପୁର ଜିଲ୍ଲା ରେଙ୍ଗାଲି ବ୍ଳକ୍ ଲପଙ୍ଗା ସରକାରୀ ହାଇସ୍କୁଲ ପରିସର ରେ ଆଜି ସୂଚନା ପ୍ରଯୁକ୍ତି ସମ୍ପନ୍ନ ଇ-ଲାଇବ୍ରେରୀ ଉଦଘାଟନ କରାଯିବା ସହିତ ୨୦୨୩/୨୦୨୪ ଶିକ୍ଷା ବର୍ଷରୁ ଏହି ହାଇସ୍କୁଲ ରେ ଯୁକ୍ତ ଦୁଇ ଶ୍ରେଣୀ କଳା ବିଭାଗ ଖୋଲିବା ସଂକ୍ରାନ୍ତରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ହାଇସ୍କୁଲର ପ୍ରଧାନ ଶିକ୍ଷକ ମନୋଜ କୁମାର ନାଏକଙ୍କ ସଭାପତିତ୍ୱ ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ସମ୍ବଲପୁର ଜିଲ୍ଲା ଶିକ୍ଷା ଅଧିକାରୀ ମୀନାରାଣୀ ମଙ୍ଗଳ ମୁଖ୍ୟ ଅତିଥି ରୂପେ ଯୋଗ ଦେଇ ଇ-ଲାଇବ୍ରେରୀ ଉଦଘାଟନ କରି ସଚେତନତା କାର୍ଯ୍ୟକ୍ରମରେ ଉଦବୋଧନ ଦେଇଥିଲେ। ରାଜ୍ୟ ସରକାର ଫାଇଭ୍ ଟି ଯୋଜନାରେ ହାଇସ୍କୁଲ ଗୁଡିକର ଭିତ୍ତିଭୂମି ବିକାଶ ତଥା ରୂପାନ୍ତରିକରଣ କରିବାରେ ପ୍ରାଥମିକତା ଦେବା ସହିତ ସ୍କୁଲରେ ଗୁଣାତ୍ମକ ଶିକ୍ଷାଦାନ ପ୍ରତି ଗୁରୁତ୍ୱ ଦେଉଛନ୍ତି। ବିଦ୍ୟାଳୟ ରୂପାନ୍ତରିକରଣ ସହିତ ଛାତ୍ର/ଛାତ୍ରୀ ମାନଙ୍କୁ ଉନ୍ନତ ଓ ଗୁଣାତ୍ମକ ଶିକ୍ଷା ପ୍ରଦାନ ଦିଗରେ ଶିକ୍ଷକ/ଶିକ୍ଷୟିତ୍ରୀ ମାନେ ନିଷ୍ଠା ଓ ଅନ୍ତରିକତାର ସହିତ କାର୍ଯ୍ୟ କରିବାକୁ ଶ୍ରୀମତୀ ମଙ୍ଗଳ ପରାମର୍ଶ ଦେଇଥିଲେ।
Popular Categories
Previous article
Next article