ମେଷ- ଦ୍ବିଜା ନକ୍ଷତ୍ରଜାତ ବ୍ୟକ୍ତି ନାନା ସୁଖର ଅଧିକାରୀ ହେବେ। ବିଶାଳ ଯଶ ଅର୍ଜନ କରି ଲୋକପ୍ରିୟ ହୋଇପାରନ୍ତି। ଶତ୍ରୁପକ୍ଷ ଉପରେ ବିଜୟ ହାସଲ କରିବେ। ଅଶ୍ବିନୀ ଓ କୃତ୍ତିକାର ସାମାନ୍ୟ ଲାଭ ଫଳ।
ବୃଷ- ରୋହିଣୀ ନକ୍ଷତ୍ରଜାତ ବ୍ୟକ୍ତି ବିନୟା ଭାବାପନ୍ନ ହେବେ। ବହୁ ମିତ୍ରାର୍ଜନରେ ତତ୍ପର ହେବେ। ଦ୍ବିଜାନୁରକ୍ତ ହେବେ। ଦୃଢ଼ ପୌରୁଷର ଅଧିକାରୀ ହେବେ। ମୃଗଶିରା ଓ କୃତ୍ତିକାର ସାମାନ୍ୟ ଫଳ।
ମିଥୁନ- ଆର୍ଦ୍ରା ନକ୍ଷତ୍ରଜାତ ବ୍ୟକ୍ତି ଦାନକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ସତ୍ପଥଗାମୀ ହେବେ। ପୁତ୍ର ସନ୍ତାନଙ୍କ ଦ୍ବାରା ଉପକୃତ ହେବେ। ମୃଗଶିରା ଓ ପୁନର୍ବସୁ ନକ୍ଷତ୍ରଜାତ ବ୍ୟକ୍ତିଙ୍କ ସାମାନ୍ୟ ଫଳ।
କର୍କଟ :– ପୁଷ୍ୟା ଓ ଅଶ୍ଲେଷା ନକ୍ଷତ୍ରଜାତ ବ୍ୟକ୍ତି ଗୁରୁକୃପା ଲାଭ କରିବେ। ଭ୍ରମଣ ବ୍ୟର୍ଥ ହୋଇପାରେ। ସୁଖ ମିଳିବା କଷ୍ଟପ୍ରଦ ହେବ। ପତ୍ନୀଙ୍କ ବିରାଗଭାଜନ ହୋଇପାରନ୍ତି। ପୁନର୍ବସୁର ମଧ୍ୟ ସମଫଳ।
ସିଂହ- ପୂର୍ବା ଫାଲ୍ଗୁନୀ ନକ୍ଷତ୍ରଜାତ ବ୍ୟକ୍ତି ତାମ୍ର, ସୁବର୍ଣ୍ଣ, ପ୍ରବାଳ, ଉତ୍ତମ ପଟ୍ଟବସ୍ତ୍ର, ଉତ୍ତମ ଯାନବାହନ ଓ ରାଜପ୍ରାସାଦ ସୁଖ ଭୋଗ କରିବେ। ମଘା ଓ ଉତ୍ତରା ଫାଲ୍ଗୁନୀ ନକ୍ଷତ୍ରଜାତ ବ୍ୟକ୍ତିଙ୍କ ଅଶୁଭ ଫଳ।
କନ୍ୟା- ହସ୍ତା ନକ୍ଷତ୍ରଜାତ ବ୍ୟକ୍ତି ଶତ୍ରୁ ଉପରେ ବିଜୟ ହାସଲ କରିପାରନ୍ତି। ସାହସୀ ହେବେ। ପ୍ରୀତିପୂର୍ଣ୍ଣ ମନୋଭାବର ହେବେ। ଉତ୍ତରା ଫାଲ୍ଗୁନୀ ଓ ଚିତ୍ରା ନକ୍ଷତ୍ରଜାତ ବ୍ୟକ୍ତି ଶୁଭଫଳ ପାଇବାରୁ ବଞ୍ଚିତ ହେବେ।
ତୁଳା- ସ୍ବାତୀ ନକ୍ଷତ୍ରଜାତ ବ୍ୟକ୍ତିଙ୍କୁ ପୁତ୍ର ସୁଖ ମିଳିବ। ବଳବାନ୍ ହେବେ। ଶାସ୍ତ୍ରାନୁମୋଦିତ ନୀତି ନିୟମରେ ଚଳିବେ। ଚିତ୍ରା ଓ ବିଶାଖା ନକ୍ଷତ୍ରଜାତ ବ୍ୟକ୍ତି ବଳହୀନ ହୋଇପାରନ୍ତି। ନୀତିନିୟମ ମାନିବେନି।
ବିଚ୍ଛା- ଅନୁରାଧା ଓ ଜ୍ୟେଷ୍ଠା ନକ୍ଷତ୍ରଜାତ ବ୍ୟକ୍ତି ନିଜ ଦେଶର ଉନ୍ନତି ପାଇଁ ବଦ୍ଧ ପରିକର ହେବେ। ନୀରୋଗ ରହିବେ। ପୌରୁଷ ପଣିଆରେ ଅଗ୍ରଗାମୀ ହେବେ। ବିଶାଖା ନକ୍ଷତ୍ରଜାତ ବ୍ୟକ୍ତି ରୋଗାଭିଭୂତ ହେବେ।
ଧନୁ- ପୂର୍ବାଷାଢ଼ା ନକ୍ଷତ୍ରଜାତ ବ୍ୟକ୍ତି ନିରୀହ ସ୍ବଭାବସମ୍ପନ୍ନ ହେବେ। ପ୍ରମାଦହୀନ ହୋଇପାରନ୍ତି। ସାଧୁଙ୍କ ସେବାରେ ନିଜକୁ ନିୟୋଜିତ କରିବେ। ଧନୁ ଓ ଉତ୍ତରାଷାଢ଼ା ନକ୍ଷତ୍ରଜାତ ବ୍ୟକ୍ତିଙ୍କ ସାମାନ୍ୟ ଶୁଭ।
ମକର- ଶ୍ରବଣା ନକ୍ଷତ୍ରଜାତ ବ୍ୟକ୍ତି ବିବାଦୀୟ ଘଟଣାର ସମାଧାନ କରିବାରେ ସଫଳ ହେବେ। ଦାରିଦ୍ର୍ୟ ଦୂରୀକରଣ ଯୋଜନାରେ ସାମିଲ ହେବେ। ବନ୍ଧୁତାକୁ ଦୃଢ଼ କରିବେ। ଉତ୍ତରାଷାଢ଼ା, ଧନିଷ୍ଠାର ସାମାନ୍ୟ ଶୁଭ।
କୁମ୍ଭ- ଶତଭିଷା ନକ୍ଷତ୍ରଜାତ ବ୍ୟକ୍ତି ଜ୍ଞାନୀ ଭାବେ ସାମାଜିକ ସ୍ତରରେ ଆଦରଣୀୟ ହେବେ। ସ୍ବଅର୍ଜିତ ଧନ ଭୋଗ କରିବେ। ଉପୁଜିଥିବା ବିବାଦର ସମାଧାନ କରିବେ। ଧନିଷ୍ଠା, ପୂର୍ବଭାଦ୍ରର ସାମାନ୍ୟ ଶୁଭ।
ମୀନ-ରେବତୀ ଓ ଉତ୍ତରାଭାଦ୍ର ନକ୍ଷତ୍ରଜାତ ବ୍ୟକ୍ତି ଧନଧାନ୍ୟରେ ଭଣ୍ଡାର ପରିପୂର୍ଣ୍ଣ କରିପାରନ୍ତି। ମହାନ୍ ପୌରୁଷର ଅଧିକାରୀ ହେବେ। ସୁପୁତ୍ର ପାଇଁ ଗର୍ବିତ ହେବେ। ପୂର୍ବଭାଦ୍ର ନକ୍ଷତ୍ରଜାତ ବ୍ୟକ୍ତି କୁକାର୍ଯ୍ୟ କରିପାରନ୍ତି।
