ବରିଷ୍ଠ ଭାରତୀୟ ପ୍ରଶାସନିକ ଅଧିକାରୀ ନିକୁଞ୍ଜ ବିହାରୀ ଧଳ ହେଲେ ନୂଆ ସ୍ବତନ୍ତ୍ର ରିଲିଫ କମିଶନର

ଭୁବନେଶ୍ବର: ରାଜ୍ୟ ସରକାରଙ୍କ ପକ୍ଷରୁ ବରିଷ୍ଠ ଭାରତୀୟ ପ୍ରଶାସନିକ ଅଧିକାରୀ ନିକୁଞ୍ଜ ବିହାରୀ ଧଳଙ୍କୁ ନୂଆ ସ୍ବତନ୍ତ୍ର ରିଲିଫ କମିଶନର(ଏସଆରସି) ଏବଂ ଓଡ଼ିଶା ରାଜ୍ୟ ପରିଚାଳନା କର୍ତ୍ତୃପକ୍ଷ ପରିଚାଳନା ନିର୍ଦେଶକ ଭାବେ ନିଯୁକ୍ତି ପ୍ରଦାନ କରାଯାଇଛି। ନିକୁଞ୍ଜ ଧଳଙ୍କ ନିଯୁକ୍ତି ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ଆଜି ବିଜ୍ଞପ୍ତି ପ୍ରକାଶ ପାଇଛି। ପ୍ରଦୀପ ଜେନା ମୁଖ୍ୟ ସଚିବ ଭାବେ ନିଯୁକ୍ତି ପରେ ନିକୁଞ୍ଜ ଧଳଙ୍କୁ ଏସଆରସି ଦାୟିତ୍ବ ଦିଆଯାଇଛି। ନିଜ ପୂର୍ବ ଦାୟିତ୍ବ ସହ ଏସଆରସି ଦାୟିତ୍ବ ନିର୍ବାହ କରିବେ ନିକୁଞ୍ଜ ଧଳ। ୧୯୯୩ ବ୍ୟାଚ ଓଡ଼ିଶା କ୍ୟାଡର ଆଇଏଏସ ନିକୁଞ୍ଜ ବିହାରୀ ଧଳ ଏବେ ଶକ୍ତି ଓ ଅବକାରୀ ସଚିବ ଏବଂ ଗ୍ରୀଡକୋ ଅଧ୍ୟକ୍ଷ ରହିଛନ୍ତି।