ମୁମ୍ବଇ : ଚଳିତ ସପ୍ତାହରେ ମୁକ୍ତିଲାଭ କରିଛି ସୈଫ୍ ଅଲ୍ଲୀ ଖାନ୍ଙ୍କ ଅଭିନୀତ ଚଳଚ୍ଚିତ୍ର ‘ବାଜାର’। ପ୍ରଥମ ଦିନ ଅର୍ଥାତ୍ ଶୁକ୍ରବାର ଏହି ଚଳଚ୍ଚିତ୍ର ଏତେ ଖାସ୍ ଆୟ କରି ପାରିନଥିଲେ ମଧ୍ୟ ଦ୍ୱିତୀୟ ଦିନ ଏହା ବକ୍ସ ଅଫିସରେ ଖୁବ୍ ଭଲ ବ୍ୟବସାୟ କରିଥିବା ଜଣାପଡ଼ିଛି।
ଟ୍ରେଡ଼୍ ଆନାଲିଷ୍ଟ ତରଣ ଆଦର୍ଶ ସାମାଜିକ ଗଣମାଧ୍ୟମ ଜରିଆରେ ଚଳଚ୍ଚିତ୍ରର ବ୍ୟବସାୟ ବିଷୟରେ ବିବରଣୀ ଦେଇଛନ୍ତି। ତାଙ୍କ କହିବା ଅନୁସାରେ, ‘ବାଜାର’ ଶୁକ୍ରବାର ୩.୦୭କୋଟି ଆୟ କରିଥିବା ବେଳେ ଶନିବାର ୪.୧୦କୋଟି ଆୟ କରିଛି। ତେବେ ଏହି ଚଳଚ୍ଚିତ୍ର ବର୍ତ୍ତମାନ ସୁଦ୍ଧା ୭.୧୭କୋଟିର ବ୍ୟବସାୟ କରିବାରେ ସଫଳ ହୋଇଛି।
- Advertisement -
ସୈଫ୍ଙ୍କ ଏହି ଚଳଚ୍ଚିତ୍ରର ବଜେଟ୍ ପ୍ରାୟ ୪୦କୋଟି ରହିଛି। ଏହାକୁ ୧୫୦୦ରୁ ଅଧିକ ପରଦାରେ ରିଲିଜ୍ କରାଯାଇଛି। ତେବେ ଦ୍ୱତୀୟ ଦିନରେ ଚଳଚ୍ଚିତ୍ରର ଆୟକୁ ଦେଖି ଆଶା କରାଯାଉଛି ଯେ ଆଗକୁ ଏହା ଖୁବ୍ ଭଲ ବ୍ୟବସାୟ କରିବାରେ ସଫଳ ହେବ।
