ଲକ୍ଷ୍ମଣ ଗଛ : ବାସ୍ତୁ ଦୋଷ ଦୂର ସହ ଚୁମ୍ବକ ଭଳି ଘରକୁ ଟାଣେ ଟଙ୍କା

ଅଧିକାଂଶ ଲୋକେ ବହୁ ପରିଶ୍ରମ କରିବା ପରେ ମଧ୍ୟ ଆଶାନୁରୂପକ ସଞ୍ଚୟ ହୋଇପାରେ ନାହିଁ । ଫଳରେ ସର୍ବଦା ଚିନ୍ତାଗ୍ରସ୍ତ ମଧ୍ୟ ରହିଥାଆନ୍ତି । ବାସ୍ତୁ ଶାସ୍ତ୍ରରେ ଆର୍ଥିକ ସମସ୍ୟା ଦୂର ପାଇଁ ଅନେକ ଉପାୟ ବର୍ଣ୍ଣନା କରାଯାଇଛି । ଧନ ପ୍ରାପ୍ତିର ଏଭଳି ହିଁ ଏକ ଉପାୟ ଲକ୍ଷ୍ମଣ ଗଛ ସହ ଜଡିତ । ଘରେ ଏହି ଗଛକୁ ଲଗାଇବା ଦ୍ୱାରା ମା’ଲକ୍ଷ୍ମୀ ଖୁବ ପ୍ରସନ୍ନ ହେବା ସହ ଆଶୀର୍ବାଦ ରହିଥାଏ । ମା’ଙ୍କ ବିଶେଷ କୃପା ପ୍ରାପ୍ତି ହୋଇଥାଏ । ତେବେ ଏହି ଗଛର ଚମକôାରୀ ଗୁଣ ବିଷୟରେ ଜାଣନ୍ତୁ ।
ବାସ୍ତୁ ଶାସ୍ତ୍ର ଅନୁଯାୟୀ, ଘରେ ବାସ୍ତୁ ଦୋଷ ଥିଲେ, ତେବେ ଫୁଲ କୁଣ୍ଡରେ ଏହି ଗଛ ଲଗାନ୍ତୁ । ଏହି ଗଛକୁ ଲଗାଇବା ଦ୍ୱାରା ସମସ୍ତ ବାସ୍ତୁ ଦୋଷ ଦୂର ହୋଇଥାଏ । ନକରାତ୍ମକ ଶକ୍ତି ମଧ୍ୟ ଦୂର କରିଥାଏ ।
ଆର୍ଥିକ ସମସ୍ୟା ସହ ଧନ ଅଯଥା ଖର୍ଚ୍ଚ ହେଉଥିଲେ, ଟଙ୍କା ସଞ୍ଚୟ ହୋଇ ପାରୁ ନଥିଲେ, ଲକ୍ଷ୍ମଣ ଗଛ ଖୁବ ପ୍ରଭାବଶାଳୀ । ଏହି ଗଛ ଧନକୁ ଚୁମ୍ବକ ଭଳି ଟାଣିଥାଏ ବୋଲି କୁହାଯାଏ । ଘରେ ଏହି ଗଛ ଲଗାଇବା ଦ୍ୱାରା ଦ୍ରାରିଦ୍ର୍ୟତା ଦୂର ହୋଇ ଧନର ଆଗମନ ହୋଇଥାଏ । ପରିବାରରେ ସୁଖସମୃଦ୍ଧି ପ୍ରବେଶ କରିଥାଏ ।
ଘରେ ସର୍ବଦା ଛୋଟ ଛୋଟ କଥାରେ କଳହ ହେଉଥିଲେ, ନକରାତ୍ମକ ଶକ୍ତି ପ୍ରଭାବ ରହୁଥିଲେ ଏହି ସମସ୍ୟା ଦୂର ପାଇଁ ଘରେ ଲକ୍ଷ୍ମଣ ଗଛ ନିଶ୍ଚୟ ଲଗାନ୍ତୁ । ଏହା ନକରାତ୍ମକ ଶକ୍ତି ଦୂର କରି ସକରାତ୍ମକ ଶକ୍ତି ପ୍ରବେଶ କରିଥାଏ । କଳହ ମଧ୍ୟ ହୋଇନଥାଏ ।
ଭାଗ୍ୟରେ ସୁପରିବର୍ତ୍ତନ ପାଇଁ ଏହି ଗଛ ଖୁବ ଶୁଭଙ୍କର । ଭାଗ୍ୟ ଆପଣଙ୍କ ଉପରେ ଅସନ୍ତୋଷ ଥିବା ଭଳି ଅନୁଭବ ହେଉଥିଲେ, ଏହି ଗଛ ସଫଳତାର ଚାବି କାଠି ଭଳି କାମ କରେ ବୋଲି କୁହାଯାଇଛି । ତେଣୁ ସଫଳତା ସହ ସମସ୍ୟା ଦୂର ପାଇଁ ଘରେ ଏହି ଗଛ ଲଗାନ୍ତୁ ।
ବାସ୍ତୁ ଅନୁଯାୟୀ ଏହି ଗଛକୁ ଘର ବାଲକୋନିରେ ଉତ୍ତର-ପୂର୍ବ ଦିଗରେ ଲଗାଇବା ଖୁବ ଶୁଭଙ୍କର । ଏହାଦ୍ୱାରା ଖୁବ ଲାଭ ମିଳିଥାଏ ।