ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଲୁଣିବାହାଲ ପଞ୍ଚାୟତର ହନୁମାନ ମନ୍ଦିର ପଡିଆରେ ଶୁକ୍ରବାର ଦିନ ହାଟର ଶୁଭ ଉଦଘାଟନ ହୋଇଯାଇଛି । ଏହି ଶୁଭ ଉଦଘାଟନ କାର୍ଯ୍ୟକ୍ରମରେ ହରଭଙ୍ଗା ବ୍ଲକ ଅଧ୍ୟକ୍ଷ ସ୍ନେହ ଲତା ପ୍ରଧାନଙ୍କ ଦ୍ବାରା ଉଦଘାଟିତ ହୋଇଯାଇଛି ।ଏହି ଉଦଘାଟନୀ କାର୍ଯ୍ୟକ୍ରମରେ ଅଞ୍ଚଳର ବହୁ ବ୍ଳକ ସ୍ତରୀୟ ଜନ ପ୍ରତିନିଧି ଏବଂ ବରିଷ୍ଠ ସଚେତନ ନାଗରିକ ମାନେ ଉପସ୍ଥିତ ଥିଲେ । ସେଥି ମଧ୍ୟରେ ସମ୍ମାନିତ ଅତିଥି ୮ନଂ ଜୋନ ଜିଲ୍ଲା ପରିଷଦ ବ୍ଲକ ଉପାଧ୍ୟକ୍ଷ ସହିତ ବିଡିଓ ରବୀନ୍ଦ୍ର ନାଥ କହଁର ସ୍ଥାନୀୟ ସରପଞ୍ଚ ଓ ପଞ୍ଚାୟତବାସୀ ଉପସ୍ଥିତ ରହିଥିଲେ । ଏହି ପଞ୍ଚାୟତରେ ପ୍ରଥମ ଥର ପାଇଁ ହୋଇଥିବା ଶୁକ୍ରବାର ହାଟକୁ ଆଜି ପନିପରିବା, ତେଜରାତି , କଂସା ବାସନ, ଲୁଗାପଟା, ଆଦି କ୍ରୟ ବିକ୍ରୟ ହୋଇଥିଲା, ଅଂଚଳର ବ୍ୟବସାୟିକ ଓ ଚାଷୀଙ୍କ ଆର୍ଥିକ ଉନ୍ନତି ପାଇଁ ଏହି ହାଟ ଆଜି ଉଦଘାଟନ ହୋଇଥିବାରୁ ଅଞ୍ଚଳବାସୀଙ୍କ ମନରେ ବହୁତ ଖୁସି ଦେଖିବାକୁ ମିଳିଥିଲା ।
Comments are closed.