ଆଠଗଡ : ଆଠଗଡ ଏନଏସି ବିଜୁ ଯୁବ ଜନତା ଦଳର ସଭାପତି ଭାବେ ପୂର୍ବତନ କାଉନସିଲର ଶିବଶଙ୍କର ଜେନାଙ୍କୁ ପୁନଃ ମନୋନୀତ କରାଯାଇଥିବା ଜଣାପଡିଛି । ଜିଲ୍ଲା ଯୁବ ବିଜେଡି ସଭାପତି ରଶ୍ମିରଞ୍ଜନ ନାୟକ ରାଜ୍ୟ ବିଜୁ ଯୁବ ଜନତା ଦଳ ସଭାପତିଙ୍କ ଅନୁମୋଦନ କ୍ରମେ ଶିବଶଙ୍କରଙ୍କୁ ଏହି ଦାୟିତ୍ୱ ଅର୍ପଣ କରାଯାଇଥିବା କହିଛନ୍ତି। ଗତ ଦୁଇବର୍ଷ ଧରି ଶିବଶଙ୍କର ଏନଏସି ବିଜୁ ଯୁବଜନତା ଦଳର ସଭାପତି ଭାବେ ନିଜର ସାଙ୍ଗଠନିକ ଦକ୍ଷତା ପ୍ରତିପାଦିତ କରିଥିବାରୁ ଦଳ ତାଙ୍କ ଉପରେ ପୁନଃ ଆସ୍ଥା ପ୍ରକଟ କରି ଏହି ଦାୟିତ୍ୱ ଦେଇଛି । ଶିବଶଙ୍କରଙ୍କୁ ଆଠଗଡ ବିଜୁ ଯୁବ ଜନତା ଦଳର ବହୁ କର୍ମକର୍ତ୍ତା, ନେତା ଓ କର୍ମୀ ଅଭିନନ୍ଦନ ଜଣାଇଛନ୍ତି । ଶ୍ରୀ ଜେନା ତାଙ୍କୁ ଏହି ଗୁରୁ ଦାୟିତ୍ୱ ପୁଣି ଥରେ ଦେଇଥିବାରୁ ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କୁ କୃତଜ୍ଞତା ଜଣାଇବା ସହ ଦଳକୁ ତୃଣମୂଳସ୍ତରରେ ମଜବୁତ କରିବା ଲାଗି ସେ ପାରୁପର୍ଯ୍ୟନ୍ତ ପ୍ରୟାସ କରିବେ ବୋଲି ପ୍ରତିକ୍ରିୟାରେ କହିଛନ୍ତି ।
Popular Categories
Previous article
Next article