ଡେସ୍କ: ସରକାରୀ ହବିଷ କେନ୍ଦ୍ରରେ ରହି ପୁରୀରେ କାର୍ତ୍ତିକ ବ୍ରତ ପାଳନ କରିବା ପାଇଁ ଏ ପର୍ଯ୍ୟନ୍ତ ୨୯୩୫ ଜଣ ଶ୍ରଦ୍ଧାଳୁ ଆବେଦନ କରିଛନ୍ତି। ସର୍ବାଧିକ ୯୪୦ଟି ଦରଖାସ୍ତ ପୁରୀ ଜିଲ୍ଲାରୁ ମିଳିଛି। ଏବେବି ଆଗ୍ରହୀ ବ୍ୟକ୍ତିମାନେ ଦରଖାସ୍ତ କରୁଥିବାରୁ ହବିଷ୍ୟାଳିଙ୍କ ସଂଖ୍ୟା ବୃଦ୍ଧି ପାଇବାର ସମ୍ଭାବନା ରହିଛି। ରାଜ୍ୟ ସରକାରଙ୍କ ପକ୍ଷରୁ ହବିଷ୍ୟାଳିଙ୍କୁ ମାଗଣା କୋଠରୀ, ମହାପ୍ରସାଦ ସମେତ କାର୍ତ୍ତିକ ବ୍ରତ ପାଳନ ଲାଗି ସମସ୍ତ ପ୍ରକାର ସୁବିଧା ଯୋଗାଇ ଦିଆଯିବ। ହବିଷ୍ୟାଳିମାନେ ଶ୍ରୀମନ୍ଦିରକୁ ଯାଇ ଯେପରି ସୁରକ୍ଷିତ ଭାବେ ମହାପ୍ରଭୁଙ୍କୁ ଦର୍ଶନ କରିପାରିବେ ସେଥିଲାଗି ବ୍ୟବସ୍ଥା କରାଯାଇଛି। ଏହାଛଡା ହବିଷ କେନ୍ଦ୍ରରେ ରାଧାଦାମୋଦର ପୂଜା, ଚଉରା ପୂଜା, କାର୍ତ୍ତିକ ବ୍ରତ ପାଠ, ଆଧ୍ୟାତ୍ମିକ ପ୍ରବଚନ ଓ ଆକାଶ ଦୀପ ବ୍ୟବସ୍ଥା କରାଯିବ ବୋଲି ସୂଚନା ମିଳିଛି।
Comments are closed.