ଆଠଗଡ : ଆଠଗଡ ବ୍ଲକ ଅନ୍ତର୍ଗତ ବେଣ୍ଟପଦା ପଞ୍ଚାୟତ କାର୍ଯ୍ୟାଳୟ ପରିସରରେ ସୁନେତ୍ର ଯୋଜନା ଅନ୍ତର୍ଗତ ଏକ ଭ୍ରାମ୍ୟମାଣ ଚକ୍ଷୁ ପରୀକ୍ଷା ଓ ଚିକିତ୍ସା ଶିବିର ଗୁରୁବାର ଅନୁଷ୍ଠିତ ହୋଇଯାଇଛି । ବେଣ୍ଟପଦା ସରପଞ୍ଚ ଶ୍ରୀକାନ୍ତ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯକ୍ରମରେ ଏସସିବି ମେଡିକାଲ କଲେଜର ଚକ୍ଷୁ ବିଶେଷଜ୍ଞ ଡାକ୍ତର ରୋଜାଲିନ ପାତ୍ର ଯୋଗଦେଇ ପ୍ରାୟ ୬୮ଜଣ ବ୍ୟକ୍ତିଙ୍କର ଚକ୍ଷୁ ପରୀକ୍ଷା କରିବା ସହିତ ଆବଶ୍ୟକୀୟ ପରାମର୍ଶ ଦେଇଥିଲେ। ପରୀକ୍ଷା କରାଯାଇଥିବା ୬୮ଜଣଙ୍କ ମଧ୍ୟରୁ ୫୬ଜଣଙ୍କର ଆଖିରେ ମୋତିଆବିନ୍ଦୁ ଚିହ୍ନଟ କରାଯାଇଥିବାବେଳେ ସେମାନଙ୍କୁ ଯଥାଶୀଘ୍ର ଶ୍ରୀରାମଚନ୍ଦ୍ର ଭେଷଜ ମହାବିଦ୍ୟାଳୟରେ ଅସ୍ତ୍ରୋପଚାର କରାଯିବ ବୋଲି ଡାକ୍ତର ପାତ୍ର କହିଥିଲେ । ଏହି କାର୍ଯ୍ୟକ୍ରମରେ ସମିତିସଭ୍ୟ ରୂପ ମଲ୍ଲିକ, ଉପସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ରର ଗୋଷ୍ଠୀ ସ୍ୱାସ୍ଥ୍ୟ ଅଧିକାରିଣୀ ପ୍ରିୟଙ୍କା ସାହୁ, ମହିଳା ସ୍ୱାସ୍ଥ୍ୟକର୍ମୀ ସୁରେଖା ପ୍ରଧାନ, ଆଶାକର୍ମୀ ଅବନ୍ତି ବେହେରା ଓ ତିଳୋତ୍ତମା ସାହୁ ଏହି ଚକ୍ଷୁଶିବିର ପରିଚାଳନାରେ ସହଯୋଗ କରିଥିଲେ। ବେଣ୍ଟପଦା ଗ୍ରାମର ମୁରବୀ ସନ୍ତୋଷ କୁମାର ସେନାପତି, ପବିତ୍ର କୁମାର ସାହୁ, ଯୁବ ସ୍ୱେଚ୍ଛାସେବୀ ଜିତେନ୍ଦ୍ର ଓଝା ଓ ସାମ୍ବାଦିକ ମନୋରଞ୍ଜନ ମହାନ୍ତି ପ୍ରମୁଖ ଏଥିରେ ଉପସ୍ଥିତ ଥିଲେ।
Popular Categories
Previous article
Next article